2 Pedro 1:3 - Biblia Guarani Tumpa Iñee

³ Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

Nuevo Testamento Guaraní Pe

³ Tumpa omee ma ñandeve imbaepuere rupi yaico cavi vaera jare yayapo vaera jae oipota yayapo vaera vae. Jare opaete cuae ñanoi yaicuaa Tumpa rambue. Echa Tumpa ñandeparavo yayapo vaera icavi vae jare ñañemboeteuca vaera.

2 Pedro 1:3 ပူးပေါင်းရင်းမြစ်များ

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

PROVERBIOS 12:4

Kuña jeko kavi vae, yerovia ko ime peguarä; ërei kuña jeko kavimbae, yaratita rami ko ime ikägüe reta re.

PROVERBIOS 31:10

Kuña jeko kavi vae, ¿kia pa ipuereta oväe? ¡Echa jeko oasa ete yé ko ikavi, ita ipöra yae vae güi!

PROVERBIOS 31:29

“Oime jeta kuña jeko kavi vae, ërei nde oasa ete yé chugüi reta.”

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

1 Corintios 1:9

Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

2 Corintios 12:9

ërei yandeYa jei cheve körai: “Chepɨakavi oï nde ndive vae jaekavi ma ko. Echa chembaepuere oyekuaa ko ipɨ̈ratambae re.” Jáeramo, ayerovia reve ayembotuichata chepɨ̈ratambae re, Cristo imbaepuere oyekuaa vaerä cheré.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

Colosenses 1:16

Echa jae rupi Tumpa oyapo opaete mbaembae ara pe oï vae jare ɨvɨ pe oï vae, yaecha vae jare yaechambae vae; mburuvicha reta ara pegua jare ɨvɨ pegua, jare opaete mbaepuere güɨnoi vae. Jae rupi etei oyeapo opaete jare chupeguarä.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

2 Tesalonicenses 2:14

Kuaerä Tumpa peparavo ñee ikavi vae romombeu peve vae rupi, peike vaerä yandeYa Jesucristo iyemboetea pe.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

1 Pedro 1:15

ërei peiko iyoambae, jókuae pereenɨi vae iyoambae vae rami; peiko peyoambae opaete mbae peyapo vae rupi;

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

2 Pedro 1:10

Jáeramo cherɨvɨ reta, jeieteño peñemomɨ̈rata Tumpa pereenɨi jare peparavo vae re, echa jökorai peyapo yave, ngaraa etei pegüɨapi.

2 Pedro 1:2

Tumpa ipɨakavi jare ipɨakatu toï jeta pe reta ndive, peikuaa kavi vaerä Tumpa jare yandeYa Jesús.

2 Pedro 1:5

Jáeramo, peñemoäta ngatu, pemomɨ̈rata peporogüɨrovia pereko kavi pe; pereko kavi pemomɨ̈rata arakuaa katu pe;

2 Pedro 1:6

arakuaa katu pemomɨ̈rata yeopia soo jemimbota pe; yeopia soo jemimbota pemomɨ̈rata mbɨaguasu pe; mbɨaguasu pemomɨ̈rata Tumpa imboete pe;

2 Pedro 1:8

Opaete kuaekuae penoi yave jare okuakuaa peré yave, ngaraa peikoiño peparavɨkɨ oyekuaambae, jare peikuaa tëiiño yandeYa Jesucristo regua.

2 Pedro 2:20

Echa kia oyembosɨrɨ mbae ikavimbae vae ɨvɨ pegua güi yandeYa Jesucristo yandemboasa vae oikuaa vae rupi, ërei taɨkue rupi oyapo ye yave ñamɨri ma ko, jare ou opɨta ikavimbae yae tenonde oiko vae güi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

RUT 3:11

Ërei, añave agüɨye ekɨɨye; tayapo nde ndive nde rere vae, echa opaete cherëtaɨgua reta oikuaa nde ko jae metei kuña jeko kavi yae vae.