2 CRÓNICAS 9:9 - Biblia Guarani Tumpa Iñee

⁹ Jare omee mburuvicha guasu pe tres mil noveciento sesenta kilo oro, jare jeta yae mbae ikäti kavi yae vae reta, ita reta ipöra yae vae. Mbaetɨi oyekuaa jeta mbae ikäti kavi vae Israel pe, mburuvicha kuña Sabá pegua ombopota mburuvicha guasu Salomón pe vae rami.

2 CRÓNICAS 9:9 ပူးပေါင်းရင်းမြစ်များ

GÉNESIS 43:11

Jayave tu Israel jei taɨ reta pe: —Körai ko añete, jayave peyapo jökorai: Peñoña pevoɨtarɨru pe opaete mbaembae ikavigüe kuae yandeɨvɨ pe oñemuña vae, peraja jókuae kuimbae pe mbota; peraja mbovɨ ɨvɨra iyaɨsɨgüe Bálsamo jee vae, ei jare mbae ikäti kavi vae, mirra jare nuez jäɨ jare almendra jäɨgüe.

1 REYES 10:10

Javoi jae omee mburuvicha guasu pe tres mil noveciento sesenta kilo oro, jare jeta yeyé mbae ikäti kavi vae jare ita ipöra yae vae reta. Mbaetɨi Israel pe jeta ou mbae ikäti kavi vae mburuvicha kuña Sabá pegua ombopota mburuvicha guasu Salomón pe vae rami.

1 REYES 9:14

Hiram ombou Salomón pe oro vae ko oupitɨ tres mil noveciento sesenta kilo.

2 CRÓNICAS 9:1

Mburuvicha kuña Sabá pegua oendu Salomón jërakua yae vae yave, ou Jerusalén pe jeta iyɨvɨrigua reta ndive, güeru mbae ikäti kavi yae vae camello reta re, jare jeta oro jare ita ipöra vae, ou ojäa vaerä Salomón mbarandu yavai vae pe. Ou oväe Salomón jóvai yave oparandu chupe opaete ipɨa pe güɨnoi oparandu vaerä vae re.

2 CRÓNICAS 9:10

Jaeramiño vi Hiram jembiokuai reta jare Salomón jembiokuai reta güeru oro Ofir güi vae, güeru reta vi ɨvɨra sándalo jee vae, jare ita reta ipöra yae vae.

2 CRÓNICAS 9:24

Kuae reta año ñavo güeru mbota mbae ipöra vae korepoti pegua jare oro pegua, temimonde, tembiporu ñeraro pegua, mbae ikäti kavi vae, kavayu reta jare mburika guasu reta.

2 CRÓNICAS 9:8

¡Toyemboete ndeYa Tumpa ipɨakatu ndekotɨ vae, jare neñono mburuvicha guasurä vae! ¡Echa neTumpa oaɨu Israel ramo omopɨ̈rata jekuae avei pegua, jáeramo neñono mburuvicha guasurä jese reta, reporookuai vaerä jupi rupi jare sɨmbi rupi!”

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 72:15

¡Toikove katu mburuvicha guasu! ¡Toñemee chupe Sabá pegua oro! ¡Toyerure avei jese vae! ¡Tiñee kavi avei ikotɨ vae!

ÉXODO 30:34

YandeYa jei ye Moisés pe: “Eipɨɨ mbaembae ikäti kavi vae, mirra ikavi yae vae, poäpe ikäti kavi vae, ɨvɨra yaɨsɨ ikäti kavi vae gálbano jee vae jare ikäti kavi vae incienso oyeambae; opaete metei rami päve tipoɨ;