2 CRÓNICAS 7:6 - Biblia Guarani Tumpa Iñee

⁶ Jare sacerdote reta oyapo iparavɨkɨ, jaeramiño vi levita reta, tembiporu tairari pegua ndive, kuae temimbɨ reta oyapouka mburuvicha guasu David omboete vaerä yandeYa, jei reve: “Echa iporoparareko jekuae avei”, David ombaemboete yepi jókuae temimbɨ reta pe. Jaeramiño vi sacerdote reta omoñee mimbɨguasu jae reta jóvai, jare opaete Israel iñemuña reta oyemboɨ ñogüɨnoi.

2 CRÓNICAS 7:6 ပူးပေါင်းရင်းမြစ်များ

1 CRÓNICAS 13:8

Jare David opaete Israel iñemuña reta ndive oyerovia reve yogüɨraja Tumpa ikäjou jenonde, otairari jare täta opɨrae reta arpa ipu rupi, ngitara, tambora raɨ, angúa raɨ, platillo jare mimbɨguasu iñee rupi.

1 CRÓNICAS 15:24

Jare sacerdote reta jae: Sebanías, Josafat, Natanael, Amasai, Zacarías, Benaía jare Eliezer omoñee reta mimbɨguasu Tumpa ikäjou jenonde vae reta. Obed-edom jare Jehías jae vi Tumpa ikäjou jo jöke iyangarekoa.

1 CRÓNICAS 16:34

Pemee yasoropai yandeYa pe, echa jae ipɨakavi, echa iporoparareko opambae ko.

2 CRÓNICAS 23:18

Javoi Joiada oñono oyangareko tupao guasu re vaerä vae reta, sacerdote reta jare levita reta iporookuai igüɨ pe, David oñono reta rami tupao guasu pe oyeokuai vaerä, omee vaerä yandeYa pe mɨmba oyeyukagüe opaetei oyeapɨ vae, Moisés omee mborookuai vae pe oyekuatía oï rami, jare otairari reta vaerä oyerovia reve David oyókuai reta rami.

2 CRÓNICAS 29:25

Ezequías oñono vi yandeYa jo pe levita reta platillo reta reve, ngitara reta reve jare arpa reta reve, David jare mbae re oecha voi vae Gad, mburuvicha guasu iyɨvɨrigua jare ñeemombeúa Natán oporookuai rami. Echa jókuae mborookuai omee yandeYa iñeemombeúa reta rupi.

2 CRÓNICAS 29:27

Jayave Ezequías oporookuai oñemee vaerä mɨmba oyeyukagüe opaetei oyeapɨ vae mɨmba oyeyuka oñemee jese vae re. Jare mɨmba oyeyukagüe opaetei oyeapɨ vae oyemboɨpɨ oñemee yave, oyemboɨpɨ vi tairari reta yandeYa kotɨ, mimbɨguasu reta jare tembiporu reta tairari pegua David mburuvicha guasu Israel pegua oporookuai rami.

2 CRÓNICAS 5:12

Levita otairari vae reta Asaf, Hemán, jare Jedutún taɨ reta jare jëtara reta ndive ndive, oyemonde reta temimonde lino pegua pe oyemboɨ ñogüɨnoi kuaraɨ oëa kotɨ mɨmba oyeyuka oyeapɨ jese vae güi platillo, ngitara jare arpa ndive. Kuae reta ndive ñogüɨnoi ciento veinte sacerdote mimbɨguasu imoñeea.

2 CRÓNICAS 5:13

Omoñee reta mimbɨguasu reta yave, jare otairari reta metei rami omboete vaerä jare omee vaerä yasoropai yandeYa pe yave, jare mimbɨguasu reta iñee ndive omboete reta yandeYa, jei reve: “Echa jae ipɨakavi, iporoparareko jekuae avei.” Jayave amapɨtu tɨnɨe yandeYa itupao guasu.

2 CRÓNICAS 7:3

Jare Israel iñemuña reta oecha yave ou tata jare yandeYa iyemboetea tupao guasu re, oyetavatɨka reta itindɨasɨ piso re omboete reta jare omee reta yasoropai yandeYa pe, jei reta reve: “Echa jae ipɨakavi jare iporoparareko jekuae avei.”

2 CRÓNICAS 7:5

Jare mburuvicha guasu Salomón omee mɨmba oyeyukagüe vae: Veintidó mil toro jare ciento veinte mil vecha. Jökorai mburuvicha guasu jare opaete vae oñono tee reta tupao guasu Tumpa pe.

ESDRAS 6:18

Jare oñono reta sacerdote reta iparavɨkɨ ae rupi, jare levita reta iparavɨkɨ ae rupi, oyeokuai reta vaerä Tumpa pe, Jerusalén pe, Moisés jembikuatía pe oï rami.

SALMOS 106:1

¡Aleluya! Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 107:1

Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

SALMOS 87:7

Otairari vae reta jare ombaembopu vae reta jeita: “Opaete cheyekou reta anoi nderé.”

ISAÍAS 52:6

Ërei kuae jeko pegua, tëta chembae vae, metei ara chekuaa kavita; echa añave che etei chemiari aï vae, aïta joko pe.”

AMÓS 6:5

peyemongoi mimbɨ iyavei, jare peyapo mimbɨ ambuaeyee vae, David rami;

JOSUÉ 6:4

Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.