2 CRÓNICAS 7:3 - Biblia Guarani Tumpa Iñee

³ Jare Israel iñemuña reta oecha yave ou tata jare yandeYa iyemboetea tupao guasu re, oyetavatɨka reta itindɨasɨ piso re omboete reta jare omee reta yasoropai yandeYa pe, jei reta reve: “Echa jae ipɨakavi jare iporoparareko jekuae avei.”

2 CRÓNICAS 7:3 ပူးပေါင်းရင်းမြစ်များ

1 REYES 18:39

Jare opaete vae oecha yave, oyetavatɨka itindɨasɨ ɨvɨ re jare jei reta: “¡YandeYa yepe jae Tumpa, yandeYa yepe jae Tumpa!”

1 CRÓNICAS 16:34

Pemee yasoropai yandeYa pe, echa jae ipɨakavi, echa iporoparareko opambae ko.

1 CRÓNICAS 16:41

Oeya vi jae reta ndive Hemán, Jedutún jare opaete oyembojee otairari vaerä vae: “Omee reta vaerä yandeYa pe mbaemboete, echa iporoparareko opambae ko.”

1 CRÓNICAS 29:20

Javoi David jei opaete oyemboatɨ ñogüɨnoi vae reta pe: “Añave pemboete yandeYa Tumpa.” Jayave yatɨ vae reta omboete yandeYa, iñemuñagüe reta iTumpa, oyetavatɨka itindɨasɨ reve ombaemboete reta yandeYa jóvai jare mburuvicha guasu jóvai.

2 CRÓNICAS 20:18

Jayave Josafat oyetavatɨka itindɨasɨ ɨvɨ re, jaeramiño vi opaete Judá pegua reta jare Jerusalén pegua reta, oyetavatɨka yandeYa jóvai jare omboete reta.

2 CRÓNICAS 20:21

Opa yave kuae jei jeta vae reta pe, oñono amogüe otairari vae reta omboete vaerä yandeYa oyemonde kavi reve, kuae reta yogüɨraja jeta vae reta jenonde jare jei reta: “Pemee mbaemboete yandeYa pe, echa jae iporoparareko jekuae avei.”

2 CRÓNICAS 29:28

Jare opaete Israel iñemuña reta omee mbaemboete, otairari vae reta otairari, jare mimbɨguasu imoñeea reta omoñee mimbɨ guasu. Opaete kuae oyeapo mɨmba oyeyukagüe opaetei oyeapɨ regua.

2 CRÓNICAS 29:29

Jare opa reta omee yave, mburuvicha guasu jare opaete jae omoïru vae reta oyetavatɨka jae ndive omee vaerä mbaemboete.

2 CRÓNICAS 29:30

Jayave mburuvicha guasu Ezequías jare iyɨvɨrigua mburuvicha reta jei levita reta pe otairari vaerä yandeYa pe, David jare mbae re oecha voi vae Asaf iñee reta pe. Jare jae reta oyerovia yae reve otairari, jare oyetavatɨka reta omee vaerä mbaemboete.

2 CRÓNICAS 5:13

Omoñee reta mimbɨguasu reta yave, jare otairari reta metei rami omboete vaerä jare omee vaerä yasoropai yandeYa pe yave, jare mimbɨguasu reta iñee ndive omboete reta yandeYa, jei reve: “Echa jae ipɨakavi, iporoparareko jekuae avei.” Jayave amapɨtu tɨnɨe yandeYa itupao guasu.

ESDRAS 3:11

Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 106:1

¡Aleluya! Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 107:1

Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 118:1

Pemboete yandeYa, echa jae ipɨakavi ko; echa iporoparareko jekuae avei vae ko.

SALMOS 95:6

Peyu, yambaemboete jare yayetavatɨka yandetɨndɨasɨ reve; yayetavatɨka yandeApoa yandeYa jóvai.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

ISAÍAS 63:7

Che aipota ayemomaendúa yandeYa iporoparareko re, jare tairari oñemee yandeYa pe vae re, opaete jae oyapo yandekotɨ vae re, ipɨakavi yae ete Israel iñemuña reta kotɨ vae re, iporoparareko rupi oyapo ikotɨ reta vae re, jare tuicha yae ete ipɨakavi jare iporoparareko vae re.

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

NÚMEROS 14:5

Jayave Moisés jare Aarón oyetavatɨka itindɨasɨ reve ɨvɨ re, Israel iñemuña reta oyemboatɨ ñogüɨnoi vae jóvai.

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

San Lucas 1:50

Jare Tumpa güɨnoi avei mboroparareko oipoɨu chugüi vae reta re.