2 CRÓNICAS 7:1 - Biblia Guarani Tumpa Iñee

¹ Jare Salomón opa oyerure yave, ou tata ara güi, jare opa oapɨ mɨmba oyeyukagüe opaeteita oyeapɨ vae, jare mɨmba oyeyukagüe reta, jare yandeYa iyemboetea tɨnɨe tupao guasu.

2 CRÓNICAS 7:1 ပူးပေါင်းရင်းမြစ်များ

GÉNESIS 15:17

Jare kuaraɨ oike ma ojo yave, omboɨpɨ ma pɨ̈tu yave, oyekuaa metei horno jätati oï vae, jare metei tatasɨgüe jendɨ vae oasa mɨmba reta oyemboyaogüe mbɨte rupi.

1 REYES 18:24

Jare jaɨkue rupi peenɨi petumpa reta jee rupi, jare che taenɨi YandeYa jee rupi; jare yerure omboyevɨ tata rupi vae, jae ko Tumpa. Jare opaete vae reta jei: “¡Ikavi yae ko!”

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

1 REYES 9:1

Salomón opa ma oyapo yave tupao yandeYa peguarä, jare mburuvicha guasu jo; jare opaete Salomón oyemongeta oyapo vaerä vae yave,

1 CRÓNICAS 21:26

jare joko pe omopüa metei mɨmba oyeyuka oyeapɨ jese vae yandeYa pe, jare omee mɨmba oyeyukagüe opaetei oyeapɨ vae jare mɨmba oyeyuka oñemee mbɨakatu pegua vae. Javoi oyerure yandeYa pe, jare jae omboyevɨ chupe ombou reve tata ara güi mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae re.

SALMOS 26:8

CheYa, che aaɨu ndetupao, ndeyemboetea oïa.

ÉXODO 19:18

Jare ɨvɨtɨ Sinaí opaetei jätati, echa yandeYa ogüeyɨ jese tata ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

ÉXODO 29:43

Joko pe aïta Israel iñemuña reta ndive; jókuae o oñeñono teeta cheyemboetea rupi.

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

EZEQUIEL 43:5

Jayave Tumpa Imbaepuere chemopüa, jare chereraja oka michi vae pe, jare aecha Tumpa iyemboetea omotɨnɨe tupao.

EZEQUIEL 44:4

Javoi jókuae kuimbae chereraja öke ɨvɨtuguasu kotɨgua kotɨ tupao jóvai rupi. Amae jare aecha yandeYa iyemboetea omotɨnɨe tupao; jare ayetavatɨka chetindɨasɨ reve ɨvɨ re.

DANIEL 9:20

Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä.

MALAQUÍAS 3:4

Jare ikavita yandeYa pe Judá jare Jerusalén pegua mbota; tenonde yave rami, jare arakae año rupi rami.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

JUECES 6:21

Jare araɨgua ipo pe güɨnoi popoka vae pe oñátai soo jare mbɨyape, jare jókuae ita guasu güi oë tata, jare opa oapɨ soo jare mbɨyape; javoi yandeYa iaraɨgua okañɨ jóvai güi.