2 CRÓNICAS 5:2 - Biblia Guarani Tumpa Iñee

² Jayave Salomón omboatɨ Jerusalén pe opaete Israel iñemuña reta itenondegua reta, jare opaete ñemuña reta itenondegua, metei tëtara vae itenondegua, güɨroyakavo reta vaerä Tumpa ikäjou morogüɨrökuavee päve pegua David jëta güi, jae ko Sión.

2 CRÓNICAS 5:2 ပူးပေါင်းရင်းမြစ်များ

2 SAMUEL 5:7

Ërei David opɨ̈ro jókuae tëta guasu jëguambae Sión regua; jae ko añave rupi jee David Jëta guasu.

2 SAMUEL 6:12

Omoërakua reta David pe, kërai yandeYa iporerekua Obed-edom re jare opaete imbaembae re, Tumpa ikäjou jeko pegua. Jayave David ojo güɨroyakavo oyerovia reve jókuae Tumpa ikäjou Obed-edom jo güi, jare güɨraja jae Jëta guasu pe.

1 CRÓNICAS 15:1

David omopüauka o iyeupe tëta David Jëta guasu jee vae pe, jare oñono kavi Tumpa ikäjou jendarä, omopüa chupe o guakapi pegua.

1 CRÓNICAS 15:12

jare jei chupe reta: “Pe tenondeguarä peiko perëtara levita reta pe vae, opa peyetɨo perëtara reta ndive Tumpa jóvai, peroyakavo vaerä Israel iTumpa ikäjou jorä ayapoa pe;

1 CRÓNICAS 15:25

Jayave David, jare Israel iñemuña itenondegua reta, jare sundaro ruvicha reta ndive yogüɨraja oyerovia reve güɨroyakavo vaerä yandeYa ikäjou morogüɨrökuavee päve pegua Obed-edom jo güi.

1 CRÓNICAS 15:3

Javoi David omboatɨ opaete Israel iñemuña reta Jerusalén pe, yandeYa ikäjou oyereroyakavo vaerä jókuae o omopüa chupea pe.

1 CRÓNICAS 16:1

Jökorai Tumpa ikäjou güeru reta oñono o guakapi pegua David oyapo chupea pe. Javoi omee reta mɨmba oyeyuka opaetei oyeapɨ vae jare mɨmba oyeyuka yembopɨakatu peguarä vae Tumpa jóvai,

1 CRÓNICAS 24:31

Jae reta omboyao vi suerte rupi jëtara reta pe, tenondegua reta pe jare tenondeguambae reta pe, jëtara Aarón iñemuña reta oyapo rami, mburuvicha guasu David jare sacerdote Sadoc jóvai, Ahimelec jare tëtara reta sacerdote pegua itenondegua reta jare levita itenondegua reta jóvai.

1 CRÓNICAS 24:6

Javoi ombaekuatía vae levita Semaías, Natanael taɨ oikuatía jae reta jee mburuvicha guasu jare mburuvicha reta jóvai, jare sacerdote Sadoc, Ahimelec, Abiatar taɨ jóvai, jare tëtara reta sacerdote pegua itenondegua reta jare levita itenondegua reta jóvai. Mbaravɨkɨ peguarä suerte oyeekɨ vae, mókoi Eleazar iñemuña reta peguarä jare metei Itamar iñemuña reta peguarä.

1 CRÓNICAS 26:26

Selomit jëtara reta ndive güɨnoi ipo pe oyangareko vaerä opaete mbaembae David jare tëtara itenondegua reta, sundaro itenondegua reta, jare jeta vae reta itenondegua, sundaro ruvicha itenondegua reta oñono tee reta Tumpa peguarä vae oñeñovatúa re.

1 CRÓNICAS 28:1

David omboatɨ Jerusalén pe opaete Israel iñemuña reta juvicha reta; ñemuña ñavo vae reta itenondegua, sundaro reta oyemboyao yao vae juvicha reta, jeta vae reta juvicha reta, mburuvicha guasu jare taɨ reta imbaeyekou re oyangareko vae reta juvicha reta, jare opaete sundaro ruvicha reta jare opaete isundaro reta jëia yae vae.

2 CRÓNICAS 1:4

Ërei David güeru yepe Tumpa ikäjou Quiriat-jearim güi jae oñono kavi jendarä vae pe, echa jae omopüa chupe metei o guakapi pegua Jerusalén pe.

2 CRÓNICAS 5:1

Jare Salomón opa oyapo mbaembae yandeYa itupao guasu peguarä yave, güɨroike mbaembae jepɨ vae oñeñovatúa pe tu David oñono tee mbaembae yandeYa peguarä vae: Korepoti, oro jare opaete tembiporu reta.

2 CRÓNICAS 5:12

Levita otairari vae reta Asaf, Hemán, jare Jedutún taɨ reta jare jëtara reta ndive ndive, oyemonde reta temimonde lino pegua pe oyemboɨ ñogüɨnoi kuaraɨ oëa kotɨ mɨmba oyeyuka oyeapɨ jese vae güi platillo, ngitara jare arpa ndive. Kuae reta ndive ñogüɨnoi ciento veinte sacerdote mimbɨguasu imoñeea.

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 87:2

YandeYa Tumpa oaɨu yae tëta oï ɨvɨtɨ Sión re vae, opaete Jacob iñemuña reta jëta reta yogüɨrekoa güi.

LEVÍTICO 9:5

Jare güɨraja reta Moisés oyókuai vae rami tupao guakapi pegua jóvai, jare opaete Israel iñemuña reta yogüeru oyemboɨ yandeYa jóvai.

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

NÚMEROS 10:36

Ërei käjou opɨta yave, Moisés jei körai: “¡Eyu ye añave cheYa, jeta yae vae Israel iñemuña reta kotɨ!”