2 CRÓNICAS 2:6 - Biblia Guarani Tumpa Iñee

⁶ Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 2:6 ပူးပေါင်းရင်းမြစ်များ

2 SAMUEL 7:18

Jayave David oike yandeYa jóvai jare jei: “CheYa Tumpa, ¿mbae mbatee pa che jare cheñemuña reta, reyapo vaerä kuaekuae che ndive?

1 REYES 7:13

Mburuvicha guasu Salomón omondo güeru Hiram, Tiro güi,

1 REYES 7:14

jae ko metei kuña imemano vae imembɨraɨe, Neftalí iñemuña reta pegua, tu oparavɨkɨse jiero iyu vae pe Tiro pe. Hiram oikatu yae, ipɨarakuaa yae jare ipoki yae oyapo vaerä opaño mbaembae jiero iyu vae pegua, jayave jae ou mburuvicha guasu jóvai jare oyapo opaete iparavɨkɨ reta chupe.

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

1 CRÓNICAS 22:15

Oime vi renoi jeta kuimbae oïndaivi oyapo vaerä mbaravɨkɨ vae, oñopa vaerä ita, o omopüa vae reta, oikatu oparavɨkɨ ɨvɨra pe vae, jare jeta ïru oikatu oyapo oipotagüe mbaravɨkɨ vae oro pegua, korepoti pegua, jiero iyu vae jare jiero pegua. Jayave ¡mbaravɨkɨ oï ndepo pe yandeYa tandemborɨ!”

1 CRÓNICAS 29:14

jare, ¿kia pa che jare kia pa cherëtaɨgua reta romee vaerä ndeve jeta mbota? Echa, ndembae ko opaete mbaembae, jare jaeño romee ndeve ndegüi romboresivegüe.

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

2 CRÓNICAS 6:18

Ërei, ¿añetete ra ko Tumpa oikota kuimbae reta ipɨte pe ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao che amopüagüe!

ÉXODO 3:11

Jayave Moisés jei Tumpa pe: —¿Kia pa ko che aja vaerä Faraón jóvai, jare anoe vaerä Egipto güi Israel iñemuña reta?

ÉXODO 31:5

oikatu vaerä oñopa ita jepɨ vae mbae omopöra vaerä, oikatu yae ɨvɨra güi mbae oyapo vae, oikatu vaerä oyapo oipotagüe mbaravɨkɨ.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:14

jaeño yandeYa oiparavo ɨvɨ metei ñemuña iɨvɨ pe vae pe. Joko pe pemee mɨmba oyeyuka opaetei oyeapɨ vae jare joko pe peyapota opaete che poyókuai vae.

DEUTERONOMIO 12:26

Ërei mbae peñono tee, jare peñererökuavee pemee vaerä Tumpa pe vae, peru jókuae yandeYa oiparavoa pe,