2 CRÓNICAS 2:4 - Biblia Guarani Tumpa Iñee

⁴ Mase, che amopüata tupao guasu cheYa Tumpa peguarä, añono teeta chupe, joko pe oyeapɨ vaerä chupe ikäti kavi vae incienso, jare mbɨyape reta mbaemboete pegua oñemee avei vaerä, jare mɨmba oyeyukagüe opaetei oyeapɨ vae peguarä ndeimbove yave jare kaaru yave, ara mbutuu reta pe, yasɨ pɨau pe, jare cheTumpa iarete guasu yave, kuaekuae oyeapo aveita Israel pe.

2 CRÓNICAS 2:4 ပူးပေါင်းရင်းမြစ်များ

1 REYES 5:5

Che, jáeramo añave añeñono amopüa vaerä tupao cheYa Tumpa peguarä, cheru David pe yandeYa jei rami: ‘Nderaɨ, che añonota nderekovia pe mburuvicha guasurä vae, jae omopüata tupao cheree re.’

1 REYES 8:18

Ërei ngatu yandeYa jei cheru David pe: ‘Ndepɨa pe nekɨ̈reɨ yae remopüa tupao cheree re vae, ikavi yae ko jókuae ndepɨa jemimbota;

1 REYES 8:63

Salomón omee yandeYa pe mɨmba oyeyukagüe yembopɨakatu pegua, veintidó mil toro jare ciento veinte mil vecha. Jökorai mburuvicha guasu jare opaete Israel iñemuña reta oñono tee yandeYa itupao.

1 CRÓNICAS 22:5

David jei ipɨa pe: “Cheraɨ Salomón ndei yae vɨteri, tupao omopüata cheYa pe vae ko tuicha yae vaerä jare jërakua yae vaerä opaete ɨvɨ rupi; jayave tayapo kavi opaete taeya chupe.” Jáeramo David jeta mbaembae oyapo kavi ndei omano mbove.

2 CRÓNICAS 13:11

Jae reta oapɨ omee yandeYa pe mɨmba oyeyuka opaetei oyeapɨ vae ndeimbove ñavo jare kaaru ñavo, mbae ikäti kavi vae incienso, jare oñono reta mbɨyape mbaemboete pegua mesa ikɨambae re, jare mechero jenda oro pegua imechero ndive, jendɨ vaerä kaaru ñavo, echa ore royapo yandeYa oreTumpa iporookuai, ërei pe reta peeya.

2 CRÓNICAS 2:1

Salomón oyemongeta omboɨpɨ vaerä omopüa tupao guasu Tumpa pe, jare mburuvicha guasu jorä.

NEHEMÍAS 10:33

mbɨyape mbaemboete peguarä, mbota reta ara ñavo oñemee vae peguarä, mɨmba oyeyukagüe opaeteita oyeapɨ ara ñavo vae peguarä, ara mbutuu peguarä, yasɨ pɨau peguarä, jare ïru arete reta peguarä; jare opaete ïru mbota reta peguarä, mbota Israel pegua reta iyoa oyemboai vae peguarä, jare opaete mbaemboete Tumpa jo pe oyeapo vae peguarä.

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

SALMOS 96:4

echa yandeYa tuicha yae ko, jupi ko oyemboete yae vaerä; ¡ikɨɨyea yae ko opaete tumpa-raanga reta güi!

ÉXODO 25:30

Jare toñono reta cheróvai jekuae avei, mesa iárambo mbɨyape mbaemboete pegua.

ÉXODO 30:7

Jare Aarón toapɨ jese incienso ikäti kavi yae vae, ara ñavo toapɨ, oyapo kavi yave mechero reta.

PROVERBIOS 7:20

güɨraja iyeupe metei jɨru korepoti, yasɨ jova guasu yave ramo ko oyerova yeta.”