2 CRÓNICAS 17:9 - Biblia Guarani Tumpa Iñee

⁹ Omondo reta omboe vaerä opaete Judá pegua reta, tembikuatía pe yandeYa iporookuai oï vae re. Jare jae reta oguata opaete ɨvɨ Judá rupi oporomboe reve jókuae re.

2 CRÓNICAS 17:9 ပူးပေါင်းရင်းမြစ်များ

San Juan 5:46

Echa Moisés jembikuatía re perovia yave, chereroviata tëi ko. Echa jae oikuatía ko cheregua.

Romanos 3:2

Jeta pe ko opaete mbaembae rupi. Tenonde ete: Oñemee Tumpa iñee chupe reta.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Hechos 15:21

Echa arakae güive yogüɨreko tëta guasu ñavo rupi Moisés iporookuai omombeu vae reta judío reta itupao reta rupi. Ara mbutuu ñavo jae reta omongeta joko pe.

Hechos 13:15

Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

Hechos 8:40

Jare Felipe oyekuaa tëta Azoto pe. Jare joko güi ojo ramboeve, omombeu ñee ikavi vae opaete tëta guasu reta rupi oväe regua Cesarea pe.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

San Mateo 11:1

Jare Jesús opa ma omboe kavi jókuae doce jemimboe reta yave, jae ojo joko güi oporomboe vaerä jare omombeu vaerä Tumpa iñee jókuae ɨvɨ pegua tëta guasu reta rupi.

San Mateo 10:23

Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

NEHEMÍAS 8:7

Jare levita reta Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán jare Pelaía, oikuaauka kavi reta mborookuai opaete vae pe; jare opaete vae kïrii ngatu oyeapɨsaka jenda jenda ae pe,

2 CRÓNICAS 35:3

Jare jei levita reta opaete Israel iñemuña imboea reta pe, oñeñono tee yandeYa peguarä vae reta pe: “Peñono käjou oñeñono tee Tumpa peguarä vae tupao Salomón, David mburuvicha guasu Israel pegua taɨ oyapo vae pe. Agüɨye vaerä ma pevoɨ avei peroyakavo. Añave peyeokuai yandeYa Tumpa pe, jare imbae vae Israel iñemuña reta pe.

2 CRÓNICAS 15:3

Ɨma Israel iñemuña reta yogüɨreko tumpa añetembae ndive, isacerdotembae omboe vaerä jare mborookuaimbae.

2 CRÓNICAS 19:8

Jaeramiño vi Josafat oñono Jerusalén pe amogüe levita reta, sacerdote reta jare tenondegua jëtara pe vae reta Israel pe vae, oporojäa vaerä yandeYa pe oyeokuai vae reta re jare ñeapo reta re Jerusalén pe.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.