2 CRÓNICAS 13:9 - Biblia Guarani Tumpa Iñee

⁹ ¿Pe retaä yera opa pemombo yandeYa isacerdote reta, Aarón iñemuña reta jare levita reta, javoi peñono sacerdoterä ïru tëta pegua reta oyapo rami? ¡Oipotagüe ou vaerä oñeñono tee metei toro taɨrusu vae jare chiu vecha kuimbae ndive oiko vaerä tumpa-raanga reta isacerdoterä!

2 CRÓNICAS 13:9 ပူးပေါင်းရင်းမြစ်များ

1 REYES 13:33

Opaete kuae mbaembae reta reve Jeroboam mbaetɨ oeya jeko kavimbae, jekuae oñono sacerdote reta tëta pe tumpa-raanga iyemboete renda peguarä jae oipota vae. Jeroboam oiparavo sacerdote kuae nunga mbaemboetea reta peguarä.

2 REYES 19:18

jare oapɨ itumpa-raanga reta, echa tumpa eteä ko, kuimbae reta jembiapoño ko, ɨvɨra jare ita pegua. Jáeramo opa omboai reta.

1 CRÓNICAS 29:5

Opaete oro jare korepoti oyeapo vaerä chugüi oipotagüe mbae, opaete ipoki mbae oyapo vae reta ikɨ̈reɨ oiporu rupi. Jare añave, ¿kia pa ikɨ̈reɨ omee mbota ipɨakatu rupi yandeYa pe?”

2 CRÓNICAS 13:10

Ërei orevegua Tumpa, jae ko yandeYa Tumpa jare mbaetɨ royembosɨrɨ chugüi; sacerdote reta oyeokuai yandeYa jóvai vae, Aarón iñemuña pegua, jare mbaravɨkɨ pe ñogüɨnoi vae levita reta ko.

2 CRÓNICAS 29:31

Javoi Ezequías jei chupe reta: “Añave pe reta peñeñono tee ete ma ko yandeYa pe, jayave pemee mɨmba oyeyukagüe jare mbota yasoropai pegua yandeYa jo pe.” Jare opaete vae güeru mɨmba oyeyuka vaerä jare mbota yasoropai pegua, jare opaete ipɨakavi vae reta güeru mɨmba oyeyuka opaeteita oyeapɨ vae.

ÉXODO 29:1

Kuae eyapo, reñono tee vaerä chesacerdote retarä: Eipɨɨ metei toro taɨrusu vae jare mókoi vecha kuimbae jete kavi vae;

ÉXODO 29:29

Jare temimonde reta ñeñono tee pegua Aarón imbae topɨta kuri iñemuña reta peguarä; oyeparavo yave oñeñono tee reta vaerä pɨpe.

ÉXODO 29:35

Körai eyapo Aarón jare taɨ reta, opaete che royókuai rami; chiu ara eñono tee reta omboɨpɨ yave sacerdoterä oyeokuai.

ÉXODO 32:29

Jayave Moisés jei: —Añave penoi mbaepuere yandeYa jóvai, echa metei ñavo peyuka peraɨ ae, perɨkeɨ ani perɨvɨ ae. Jáeramo omee peve kuae ara mborerekua.

JEREMÍAS 2:11

¿Kia nunga tëtaguasu oipoepɨ ra itumpa reta? ¡Yepe tëi jókuae reta ko tumpa añetembae! Ërei kuae tëta chembae chereeya, iyemboetearä aiko tëi vae, chepoepɨ reta tumpa-raanga mbaetɨ mbae ra osirive vae ndive.

JEREMÍAS 5:7

YandeYa jei: “Cheɨ̈ro rapeä ko ndeve opaete kuae re. Peraɨ reta chereeya, jare jei reta mbae tumpa-raanga jee re. Amee jeta jembíu retarä, ërei mbaetɨ jeko kavi reta cheve, opaete vae yogüɨreko menda re oyuvanga vae rami.

OSEAS 8:6

Echa Israel imbae vi ko kuae, ipoki vae jembiapoño ko, Tumpaä ko; jaeramo opata ko oyemonguruvi, jókuae toro taɨrusu vae iä Samaria itumpa.

LEVÍTICO 16:32

Sacerdoterä oyeparavo tu jekovia pe vae, jae toyapo mɨmba oyeyukagüe cheɨ̈ro vaerä mbaeyoa re vae; tomonde temimonde lino pegua sacerdote pegua,

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

DEUTERONOMIO 32:17

omee reta mɨmba oyeyukagüe aña reta pe, jare mbaetɨ omee reta Tumpa pe; tumpa reta mbaetɨ oikuaa vae reta pe, tumpa ipɨau vae reta, köi güi güeru ramo vae pe, mbaetɨ peñemuñagüe reta omboete vae reta pe.