2 CRÓNICAS 1:2 - Biblia Guarani Tumpa Iñee

² Jare Salomón omboatɨ opaete Israel iñemuña reta: Sundaro jeta vae juvicha reta, mburuvicha oporojäa vae reta, mburuvicha Israel pegua reta jare metei ñemuña vae itenondegua reta.

2 CRÓNICAS 1:2 ပူးပေါင်းရင်းမြစ်များ

1 REYES 3:4

Mburuvicha guasu ojo Gabaón pe omee vaerä mɨmba oyeyukagüe, echa jókuae ɨvɨtɨ re oï mbaemboetea tenondegua opaete vae reta pe vae, joko pe Salomón omee mil mɨmba oyeyukagüe opaetei oyeapɨ vae.

1 CRÓNICAS 13:1

Jayave David oparandu sundaro ruvicha reta pe, jeta vae reta juvicha reta pe jare opaete tenondegua reta pe,

1 CRÓNICAS 15:12

jare jei chupe reta: “Pe tenondeguarä peiko perëtara levita reta pe vae, opa peyetɨo perëtara reta ndive Tumpa jóvai, peroyakavo vaerä Israel iTumpa ikäjou jorä ayapoa pe;

1 CRÓNICAS 15:3

Javoi David omboatɨ opaete Israel iñemuña reta Jerusalén pe, yandeYa ikäjou oyereroyakavo vaerä jókuae o omopüa chupea pe.

1 CRÓNICAS 24:31

Jae reta omboyao vi suerte rupi jëtara reta pe, tenondegua reta pe jare tenondeguambae reta pe, jëtara Aarón iñemuña reta oyapo rami, mburuvicha guasu David jare sacerdote Sadoc jóvai, Ahimelec jare tëtara reta sacerdote pegua itenondegua reta jare levita itenondegua reta jóvai.

1 CRÓNICAS 24:4

Ërei oikuaa Eleazar iñemuña pegua kuimbae reta jeta yae Itamar iñemuña reta güi; omboyao reta jare opɨta diecisei mburuvicha Eleazar iñemuña pegua, jare juri Itamar iñemuña pegua.

1 CRÓNICAS 27:1

Kuae jae Israel iñemuña itenondegua reta, tëtara ñavo vae, jeta vae reta itenondegua, jare sundaro reta itenondegua, jare mburuvicha reta oyeokuai mburuvicha guasu pe vae, oyemboyao yao kavi oike jare oë oyeokuai vaerä yasɨ ñavo opaete año rupi. Yemboyao ñavo pe ñogüɨnoi veinticuatro mil kuimbae.

1 CRÓNICAS 28:1

David omboatɨ Jerusalén pe opaete Israel iñemuña reta juvicha reta; ñemuña ñavo vae reta itenondegua, sundaro reta oyemboyao yao vae juvicha reta, jeta vae reta juvicha reta, mburuvicha guasu jare taɨ reta imbaeyekou re oyangareko vae reta juvicha reta, jare opaete sundaro ruvicha reta jare opaete isundaro reta jëia yae vae.

1 CRÓNICAS 29:1

Jaɨkue rupi mburuvicha guasu David jei opaete oyemboatɨ ñogüɨnoi vae pe: “Cheraɨ Salomón, Tumpa oiparavo vae taɨrusu yae vɨteri, javoi mbaravɨkɨ ko tuicha yae, echa jókuae o mbaetɨ ko kuimbae peguarä, yandeYa Tumpa peguarä ko.

2 CRÓNICAS 1:3

Jare Salomón opaete jókuae yatɨ vae reta ndive yogüɨraja Gabaón pe, mbaemboete renda jókuae ɨvɨtɨ re oïa pe, echa joko pe oï tupao guakapi pegua yemboatɨ renda Tumpa imbae Moisés yandeYa jembiokuai oyapo ñuu pe vae.

2 CRÓNICAS 29:20

Jare mburuvicha guasu Ezequías opüa ndeimboveasɨ omboatɨ mburuvicha reta tëta guasu pegua jare ojo yandeYa jo kotɨ.

2 CRÓNICAS 30:2

Echa mburuvicha guasu güɨnoi miari iyɨvɨrigua reta ndive jare opaete Jerusalén pegua reta ndive, jare ombojee reta oyeapo vaerä Pascua mokoía yasɨ pe,