2 CRÓNICAS 1:1 - Biblia Guarani Tumpa Iñee

¹ Salomón, David taɨ oï kavi ete iporookuaía pe, iYa Tumpa oiko jae ndive, ombotuicha yeyé imbaepuere.

2 CRÓNICAS 1:1 ပူးပေါင်းရင်းမြစ်များ

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

GÉNESIS 39:2

Ërei yandeYa oï José ndive, jare José ko jae kuimbae opaete jembiapo reta oë kavi chupe vae; jare oiko iya Egiptoɨgua jo pe.

GÉNESIS 39:21

ërei yandeYa oï José ndive, jare iporerekua jese, omboeko kavi tembipɨɨ reta iyangarekoa jesa róvai.

GÉNESIS 39:3

Jare iya oecha kërai yandeYa etei oï José ndive vae, jare oecha vi kërai opaete jembiapo reta rupi yandeYa omborɨ vae.

1 REYES 2:12

Jare Salomón oguapɨ mburuvicha guasurä tu David jekovia pe, jare iporookuaía ikavi yae ete.

1 REYES 2:46

Jayave mburuvicha guasu oyókuai Benaía, Joiada taɨ, jare jae ojo oyuka Simei. Jökorai Salomón iporookuaía jeiete oñemomɨ̈rata.

1 CRÓNICAS 17:8

jare aiko nde ndive kerupi reoa rupi, opa amoamɨri nderovaicho reta ndeve jare amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

1 CRÓNICAS 22:11

Añave cheraɨ, yandeYa toï nde ndive reupitɨ regua ara remopüa o yandeYa neTumpa pe, jae güɨrökuavee nde reyapota vae rami.

1 CRÓNICAS 29:23

Jökorai Salomón oguapɨ mburuvicha guasurä yandeYa iporookuaía pe tu David jekovia pe, jare ikavi yae opaete mbae oë chupe. Opaete Israel yogüɨreko jae jeia re.

1 CRÓNICAS 29:25

YandeYa ombotuicha yae Salomón opaete Israel jesa róvai, jare omee chupe iporookuaía imboetea yae vaerä, mbaetɨi chugüi jókuae nunga mburuvicha guasu tenonde yave rupi.

1 CRÓNICAS 29:30

jae ko opaete mbaembae oyapo iporookuaía pe vae regua, kërai mbaepuere güɨnoi vae, jare mbaembae oasa jae ndive jare Israel ndive vae regua, jare opaete ïru tëtaguasu reta regua.

2 CRÓNICAS 32:23

Jare jeta güeru reta Jerusalén pe mbota yandeYa pe vae, jare vi mbota jepɨ vae Ezequías mburuvicha guasu Judá pegua pe. Jókuae güire Ezequías jërakua yae opaete ïru tëtaguasu rupi.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

JOSUÉ 3:7

Jayave yandeYa jei Josué pe: “Kuae ara güive rombotuicha yaeta opaete Israel iñemuña reta jóvai, oikuaa reta vaerä Moisés ndive aiko rami nde ndive aiko vae.