2 Corintios 9:8 - Biblia Guarani Tumpa Iñee

⁸ Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.

Nuevo Testamento Guaraní Pe

⁸ Jare Tumpa ipuere omee peve jeta mbaembae ipɨacavi jeco pegua, agüɨye vaera etei mbae oata peve, pe reta jecuaeño pepuere vaera peporomborɨ opaete mbaravɨquɨ icavi vae re.

2 Corintios 9:8 ပူးပေါင်းရင်းမြစ်များ

2 CRÓNICAS 25:9

Amasías oparandu Tumpa iñeemombeúa pe: —¿Mbae pa jayave oyeapota tres mil tresciento kilo korepoti amee sundaro Israel pegua reta pe vae ndive? Kuimbae Tumpa iñeemombeúa jei chupe: —YandeYa ipuere omee ndeve ma jeta jókuae güi.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

PROVERBIOS 11:24

Mbae omee ngatu vae pe, oñemoïru ye chupe, ërei jupimbae reve oasa ete mbae omombɨta iyeupe vae reta yogüɨrekota mbaravete rupi.

PROVERBIOS 28:27

Paravete vae omborɨ vae pe, ngaraa mbae oata, ërei mbaetɨ oipota oporomborɨ vae kotɨ, jeta yaeta oyepopeyu vae.

PROVERBIOS 3:9

Emboete yandeYa mbaembae renoigüe pe, jare opaete ndembaagüɨyerɨpɨ reta pe.

HAGEO 2:8

Chembae ko korepoti, chembae ko oro, jei yandeYa Imbaepuere yae ete vae.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 13:3

Echa pe reta peeka Cristo imiari ra peve che rupi vae. Jae mbaetɨ ko ipuerembae rami peré, imbaepuere yae ko peré.

2 Corintios 8:19

Jare jokuaeñoä, echa oporogüɨrovia vae reta ko oiparavo oreïrurä, oremborɨ vaerä güɨraja kuae mbota reta. Kuae mbaravɨkɨ royapo romboeteuka vaerä yandeYa jare roechauka vaerä peporomborɨ.

2 Corintios 8:2

Kërai oiporara yae reta reve, oyerovia yae reta; jare yepe tëi iparavete yae reta reve, omee reta jeta ipɨakavi yae reve.

2 Corintios 8:7

Pe reta ko tenonde opaete mbaembae pe, mborogüɨrovia pe, ñee pe, arakuaa pe, kɨ̈reɨ ngatu pe jare oreraɨu yae vae pe. Jáeramo peikuaauka vi pepɨa kavi, kuae pemeeta vae rupi.

2 Corintios 9:11

Jökorai pe reta penoi vaerä jeta mbaembae, pepuere vaerä pemee pekɨ̈reɨ ngatu reve. Jare ore rogüɨraja yave ïru vae reta pe pemeeta vae, jae reta omeeta yasoropai Tumpa pe.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 3:20

Jare añave toyemboete Tumpa, imbaepuere yae oyapo vaerä jeta yae opaete mbaembae yaiporu vae ani yaikuaa vae güi, imbaepuere yandeɨvɨte pe oparavɨkɨ vae rupi.

Filipenses 4:11

Mbaetɨ ko kuae jae mbae oata cheve ramo. Echa aikuaa ma kërai aiko vaerä chepɨakatu reve anoi rupi.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

2 Tesalonicenses 2:17

jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.

2 Timoteo 2:21

Jayave, amogüe oeya yave mbae ikavimbae vae, oikota tembiporu mbaemboete peguarä, ñeñono tee jare ikavigüe yandeYa peguarä, jare oïndaivita oipotagüe mbaravɨkɨ ikavi vae oyapo vaerä.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.