2 Corintios 9:7 - Biblia Guarani Tumpa Iñee

⁷ Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

Nuevo Testamento Guaraní Pe

⁷ Metei ñavo tomee iquɨreɨ reve oipota omee rami. Agüɨye quia tomee jacateɨ reve ani che ayócuai rambueño. Echa Tumpa oaɨu oyerovia reve omee vae.

2 Corintios 9:7 ပူးပေါင်းရင်းမြစ်များ

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

1 CRÓNICAS 29:9

Opaete vae reta oyerovia omee ramo mbota ipɨa-kɨ̈reɨ ngatu reve, echa kuae mbaembae reta omee yandeYa pe opaete ipɨa ndive.

ÉXODO 25:2

“Ere Israel iñemuña reta pe tomee cheve mbota; opaete kuimbae ipɨakatu reve kavi tomee reta cheve mbota;

ÉXODO 35:5

Pemboatɨ oyougüi reta mbota yandeYa peguarä; opaete ipɨakavi vae togüeru yandeYa pe oro, korepoti, jiero iyu vae,

PROVERBIOS 11:25

Ipɨakavi vae, oiko kavita; oporoparareko vae, iporopararekota vi jese vae.

PROVERBIOS 22:9

Japicha oiparareko vae, oikota mborerekua rupi, paravete vae pe omboyao jembíu jeko pegua.

ISAÍAS 32:5

Ngaraa ye ma omboete reta kuimbae jeko kavimbae vae, jeko kavi vae rami, ngaraa ye ma omboete reta kuimbae jeko pɨ̈chɨi vae, imboetea vae rami.

ISAÍAS 32:8

Ërei ngatu ipɨa ikavi vae, ikavi oyemongeta, jare jókuae iyemongeta kavi re oñemomɨ̈rata.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

DEUTERONOMIO 15:14

pemee chupe mɨmba perɨmba güi, pembaagüɨye güi jare vino, pemboyaota jae ndive yandeYa iporerekua rupi penoi vae.

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

1 Pedro 4:9

Peyomboresive päve pero pe, peñeengurumbae reve.