2 Corintios 8:8 - Biblia Guarani Tumpa Iñee

⁸ Kuae che jae peve vae mbaetɨ ko metei mborookuai. Ërei chemiari ko peve ïru vae reta ikɨ̈reɨ ngatu re, jökorai peechauka vaerä vi peporoaɨu añetete ko vae.

Nuevo Testamento Guaraní Pe

⁸ Cuae che jae peve vae mbaeti co metei mboroócuai. Erei chemiari peve corai iru vae reta oipota omee omborɨ vaera iru oporogüɨrovia vae reta rambue, jare corai peyapo yave, peicuaucata peporoaɨu añetete co.

2 Corintios 8:8 ပူးပေါင်းရင်းမြစ်များ

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

1 Corintios 7:12

Ërei ïru reta pe che jae kuae mbaetɨ yandeYa jei: Oime yave metei oporogüɨrovia vae jembireko oporogüɨroviambae vae yave, ërei jembireko oipota oiko jae ndive yave, agüɨye toeya.

1 Corintios 7:25

Kuñatai jaegüɨrai vae reta regua mbaetɨ anoi mborookuai yandeYa güi. Ërei cheyemongeta jaeta, pepuere chererovia jupi aiko yandeYa iporoparareko rupi ramo.

1 Corintios 7:6

Ërei kuae che jae peve cheyeugüi aeño, mbaetɨ ko mborookuai rami.

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

2 Corintios 8:10

Che pomboarakuaa kuae re körai: Ikavi ko peyapo vaerä kuae. Echa pemboɨpɨ metei año ma pekɨ̈reɨ reve peporomborɨ vaerä.

2 Corintios 8:24

Jáeramo oporogüɨrovia vae reta oikuaa vaerä, peechauka jókuae mboupa reta pe añetete ko peaɨu vae, jökorai oikuaa reta vaerä añete ko roe chupe reta peregua vae.

2 Corintios 9:2

echa kuae re chemiari pomboete reve Macedonia pegua reta pe. Jae chupe reta kërai año oasagüe güire ma pekɨ̈reɨ peporomborɨ, pe Acaya pe peiko vae reta. Jare ïru vae reta oikuaa pekɨ̈reɨ peporomborɨ vae yave, jae reta vi ikɨ̈reɨ.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

Efesios 4:15

Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.