2 Corintios 8:7 - Biblia Guarani Tumpa Iñee

⁷ Pe reta ko tenonde opaete mbaembae pe, mborogüɨrovia pe, ñee pe, arakuaa pe, kɨ̈reɨ ngatu pe jare oreraɨu yae vae pe. Jáeramo peikuaauka vi pepɨa kavi, kuae pemeeta vae rupi.

Nuevo Testamento Guaraní Pe

⁷ Peporogüɨrovia tuicha yae co. Icavi yae peporomboe. Jeta mbaembae peicuaa. Peratangatu yae jare oreraɨu yae. Opaete cuae peyapo cavi yae. Jae rambue peicuauca vi quirai pepɨacavi yae cuae pemeeta vae re.

2 Corintios 8:7 ပူးပေါင်းရင်းမြစ်များ

San Mateo 25:22

Jökorai vi tenonde yave mókoi talento omboresive vae ou jei iya pe: ‘Cheya, nde nemee cheve mókoi talento. Mase, ko amongana ye ïru mókoi.’

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

1 Corintios 1:5

Echa Cristo rupi Tumpa omee peve opaete mbaembae, peñee ngatu vaerä jare pearakuaa katu vaerä.

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

1 Corintios 13:8

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

1 Corintios 14:12

Jaeramiño vi pe reta peipota yae penoi vaerä Espíritu pegua. Peeka jókuae pɨpe ïru oporogüɨrovia vae reta pemomɨ̈rata vaerä vae.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

2 Corintios 7:7

jare orepɨakatúä Tito ou oväe orépɨri vae reño. Orepɨakatu yae vi roikuaa yave kërai pe reta pembopɨakatu Tito. Omombeu vi oreve cheraɨu yae vae, cheräpiro jare peyemoambeko cheré vae. Jare, jókuae chemboyerovia yae.

2 Corintios 8:6

Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

2 Corintios 9:14

Jökorai vi jae reta oyerureta peré peraɨu reve, Tumpa ipɨakavi oyekuaa peré vae re.

2 Corintios 9:8

Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.