2 Corintios 8:6 - Biblia Guarani Tumpa Iñee

⁶ Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

Nuevo Testamento Guaraní Pe

⁶ Jae rambue romoñera Tito opa vaera omboatɨ pe reta pemeeta pepɨacavi jeco pegua vae. Echa jae etei omboɨpɨ omboatɨ.

2 Corintios 8:6 ပူးပေါင်းရင်းမြစ်များ

Hechos 24:17

Ɨma pe ayu ye cheɨvɨ pe. Aru mbota iparavete vae reta peguarä jare Tumpa peguarä, añererökuavee chupe rami.

Romanos 15:25

Ërei ajata räri Jerusalén pe, araja vaerä yemborɨ oporogüɨrovia vae reta pe.

2 Corintios 12:18

Amoñera Tito jare ïru yanderɨvɨ ojo vaerä pépɨri. ¿Tito pembotavɨ pa? ¿Jae oyapoä yera ikɨ̈reɨ ngatu reve che rami?

2 Corintios 2:13

ërei chepɨakatúä etei aväeä yanderɨvɨ Tito joko pe ramo. Jáeramo che ayupavo jare aja ye chugüi reta Macedonia kotɨ.

2 Corintios 8:10

Che pomboarakuaa kuae re körai: Ikavi ko peyapo vaerä kuae. Echa pemboɨpɨ metei año ma pekɨ̈reɨ reve peporomborɨ vaerä.

2 Corintios 8:19

Jare jokuaeñoä, echa oporogüɨrovia vae reta ko oiparavo oreïrurä, oremborɨ vaerä güɨraja kuae mbota reta. Kuae mbaravɨkɨ royapo romboeteuka vaerä yandeYa jare roechauka vaerä peporomborɨ.

2 Corintios 8:23

Tito jae ko cheïru jae oparavɨkɨ che ndive pomborɨ vaerä. Jókuae ïru orerɨvɨ reta, jae ko oporogüɨrovia vae reta omondo vae, jae reta ko omboete Cristo vae.

2 Corintios 8:4

oremoñera yeyé reta romboresive vaerä jókuae oipota omee vae, jökorai ipuere vaerä omborɨ ïru oporogüɨrovia vae reta.

2 Corintios 9:5

Jáeramo ayemongeta ikavi ko orerɨvɨ reta räri yogüɨraja vaerä pépɨri, jökorai jae reta ipuereta pemborɨ opa vaerä pemboatɨ korepoti tenonde ma peñererökuavee pemee vaerä vae. Jökorai, che aja pépɨri yave, oyekuaata pemee pepɨa kavi reve vae, mbaetɨ ore poyókuai ramoño.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.