2 Corintios 8:3 - Biblia Guarani Tumpa Iñee

³ Chepuere amombeu peve kërai jae reta omee güɨnoi rupi vae, jare oasa ye omee reta güɨnoi vae güi,

Nuevo Testamento Guaraní Pe

³ Chepuere amombeu peve quirai jae reta omee che añemongueta icavi co omee vaera vae. Añete co, omee reta jeta yae che añemongueta icavi co omee vaera vae güi. Jare omee reta che ayócuai mbae reve.

2 Corintios 8:3 ပူးပေါင်းရင်းမြစ်များ

1 CRÓNICAS 29:9

Opaete vae reta oyerovia omee ramo mbota ipɨa-kɨ̈reɨ ngatu reve, echa kuae mbaembae reta omee yandeYa pe opaete ipɨa ndive.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

ÉXODO 35:5

Pemboatɨ oyougüi reta mbota yandeYa peguarä; opaete ipɨakavi vae togüeru yandeYa pe oro, korepoti, jiero iyu vae,

San Marcos 14:8

Kuae kuña oyapo ko ipueregüe. Chemokäti kavi voi ma ko tɨvɨa peguarä.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Romanos 10:2

Echa chepuere chemiari jesegua reta, kërai jae reta ikɨ̈reɨ yae oyeokuai tëi Tumpa pe, ërei mbaetɨ añete vae oikuaa kavi reve.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

1 Corintios 9:17

Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

Gálatas 4:15

¿Jama pa jókuae yerovia penoi yepi vae? Echa chepuere jae peregua kuae: Pepuere yave mona, peekɨta ko viña peresäɨ peyeugüi, pemee vaerä cheve.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Colosenses 4:13

Echa che etei chepuere amombeu peve kërai Epafras oyemoambeko täta peré, jare Laodicea jare Hierápolis pegua reta re.

1 Tesalonicenses 2:8

Ore poaɨu yae ko, mbaetɨ orekɨ̈reɨ romombeu peve Tumpa iñee kaviño, orerekove etei vi romeeta peré. ¡Echa ore poaɨu yae ko!

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,