2 Corintios 8:23 - Biblia Guarani Tumpa Iñee

²³ Tito jae ko cheïru jae oparavɨkɨ che ndive pomborɨ vaerä. Jókuae ïru orerɨvɨ reta, jae ko oporogüɨrovia vae reta omondo vae, jae reta ko omboete Cristo vae.

Nuevo Testamento Guaraní Pe

²³ Oime yave quia oparandu Tito re vae, pepuere pere jae co cheiru jare oparavɨquɨ co che ndive ore pomborɨ vaera. Ani oparandu yave iru orerɨvɨ reta re, pepuere pere oporogüɨrovia vae oñemboatɨatɨ vae reta omondo, jare jae reta omboeteuca co Cristo.

2 Corintios 8:23 ပူးပေါင်းရင်းမြစ်များ

San Lucas 5:10

Jaeramiño vi Simón ïru reta Jacobo jare Juan, jae ko Zebedeo taɨ reta. Jayave Jesús jei Simón pe: —Agüɨye ekɨɨye. Añave güive reikota ïru vae reta re reyeporaka vaerä.

San Lucas 5:7

Jayave oyepoeru reta ïru barco pe ñogüɨnoi vae reta pe, yogüeru vaerä omborɨ. Jayave jae reta yogüeru jare omotɨnɨe reta mókoi reve barco. Jare mókoi reve poɨ yae jare güɨrosakambu potaecha.

San Juan 13:16

Añetete che jae peve, metei tembiokuai mbaetɨi ko ma yae iya güi. Ani temimondo mbaetɨi vi tuichagüe yae imondoa güi.

1 Corintios 11:7

Echa kuimbae mbaetɨ jaekavi oñeäka-soi vaerä. Echa Tumpa oyapo kuimbae jae rami, iyemboetearä. Ërei kuña ko jae kuimbae iyemboetea.

2 Corintios 12:18

Amoñera Tito jare ïru yanderɨvɨ ojo vaerä pépɨri. ¿Tito pembotavɨ pa? ¿Jae oyapoä yera ikɨ̈reɨ ngatu reve che rami?

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

2 Corintios 8:18

Jare romondo jupíe orerɨvɨ, opaete rupi oporogüɨrovia vae reta imiari kavi jese vae. Echa jae omoërakua kavi ñee ikavi vae.

2 Corintios 8:19

Jare jokuaeñoä, echa oporogüɨrovia vae reta ko oiparavo oreïrurä, oremborɨ vaerä güɨraja kuae mbota reta. Kuae mbaravɨkɨ royapo romboeteuka vaerä yandeYa jare roechauka vaerä peporomborɨ.

2 Corintios 8:22

Jare romondo vi jae reta jupíe ïru orerɨvɨ. Ore jeta ma roecha jae jäta ngatu opaete mbaembae pe vae. Jare añave jae jei ete jäta ngatu pererovia katu ramo.

2 Corintios 8:6

Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

Filipenses 2:25

Ërei jaekavi cheve amondo vaerä cherɨvɨ Epafrodito. Jae ko oparavɨkɨ Tumpa pe che ndive vae, pe pembou oyangareko vaerä cheré vae.

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

Colosenses 1:7

Kuae re pemboe Epafras oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Filemón 1:17

Jáeramo, nde remae cheré neïru ko yave, emboresive kavi nde chemboresive rami.

Filemón 1:24

Jare chemborɨ vae reta Marcos, Aristarco, Demas jare Lucas omondo ndeve tamaraeme.

3 Juan 1:8

Jáeramo ikavi ko yande yamboresive jókuae nunga reta, echa jökorai yandepuere yamborɨ omoërakua vaerä añete vae.