2 Corintios 8:19 - Biblia Guarani Tumpa Iñee

¹⁹ Jare jokuaeñoä, echa oporogüɨrovia vae reta ko oiparavo oreïrurä, oremborɨ vaerä güɨraja kuae mbota reta. Kuae mbaravɨkɨ royapo romboeteuka vaerä yandeYa jare roechauka vaerä peporomborɨ.

Nuevo Testamento Guaraní Pe

¹⁹ Jare mbaeti cuae jeco peguaño. Echa oporogüɨrovia vae oñemboatɨatɨ vae reta oiparavo, jae ojo vaera orerupíe oremborɨ vaera cuae mbaravɨquɨ mbɨacavi pegua re. Cuae mbaravɨquɨ royapo romboeteuca vaera ñandeYa jare roicuauca vaera quirai roipota yae roporomborɨ.

2 Corintios 8:19 ပူးပေါင်းရင်းမြစ်များ

Hechos 14:23

Jare oporogüɨrovia vae reta ñogüɨnoia ñavo Pablo jare Bernabé oiparavo oporogüɨrovia vae reta itenondeguarä. Jare oyekuaku tembíu güi reve oyerure reta, oeya yandeYa jae reta güɨrovia jese vae ipo pe.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:25

Jáeramo royemongeta ma metei rami roiparavo vaerä orepɨte güi amogüe romondo pekotɨ; yaaɨu vae Bernabé jare Pablo ndive.

Hechos 19:22

Jayave omondo Macedonia kotɨ mókoi imborɨa reta Timoteo jare Erasto. Ërei jae opɨtaño mbovɨ ara Asia pe.

Hechos 19:29

Jare tekorai tɨnɨe tëta guasu. Jare opaete vae metei rami osɨi reta yuvanga renda kotɨ. Jare oipɨɨ güɨraja joko pe Pablo iguataïru reta Gayo jare Aristarco, Macedoniaɨgua reta.

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

Romanos 5:3

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu;

2 Corintios 4:15

Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.

2 Corintios 8:11

Jáeramo añave peyapo, jókuae pekɨ̈reɨ peyapo vae, pemee penoi rupi.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 8:20

Körai royapo, agüɨye vaerä kia oremboeko kuae jeta korepoti oyemboatɨgüe re royangareko vae re;

2 Corintios 9:2

echa kuae re chemiari pomboete reve Macedonia pegua reta pe. Jae chupe reta kërai año oasagüe güire ma pekɨ̈reɨ peporomborɨ, pe Acaya pe peiko vae reta. Jare ïru vae reta oikuaa pekɨ̈reɨ peporomborɨ vae yave, jae reta vi ikɨ̈reɨ.

2 Corintios 9:8

Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.