2 Corintios 7:8 - Biblia Guarani Tumpa Iñee

⁸ Yepe tëi pombopɨatɨtɨ aikuatía peve vae rupi, ërei jaekaviño yepe, yepe tëi aikuatía ramo yave chepɨatɨtɨ; ërei añave aecha jókuae tupapire pembopɨatɨtɨ michi peguaño,

Nuevo Testamento Guaraní Pe

⁸ Aicuaa yave quirai che pombopɨatɨtɨ aicuatía peve vae pe, che vi chepɨatɨtɨ, yepe tei mbovɨ ara rupiño pepɨatɨtɨ. Erei añave mbaeti chepɨatɨtɨ, yepe tei che pombopɨatɨtɨ aicuatía peve vae pe.

2 Corintios 7:8 ပူးပေါင်းရင်းမြစ်များ

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

San Juan 16:6

Jaeño pepɨatɨtɨ kuae che jae peve vae jeko pegua.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

2 Corintios 7:11

Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.

2 Corintios 7:12

Aikuatía peve yave, mbaetɨ aikuatía ikavimbae vae oyapo vae jeko peguaño, jare mbaetɨ vi aikuatía ikavimbae vae oyeapo chupe vae jeko peguaño, aikuatía ko peikuaa vaerä kërai ko ore royemoambeko peré Tumpa jovake vae.

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

2 Corintios 7:7

jare orepɨakatúä Tito ou oväe orépɨri vae reño. Orepɨakatu yae vi roikuaa yave kërai pe reta pembopɨakatu Tito. Omombeu vi oreve cheraɨu yae vae, cheräpiro jare peyemoambeko cheré vae. Jare, jókuae chemboyerovia yae.

2 Corintios 7:9

añave ayerovia. Ërei mbaetɨ ayerovia pepɨatɨtɨ ramoño. Echa pepɨatɨtɨ, peeya vaerä peyemongeta ikavimbae vae pepɨa pe oï vae. Echa pepɨatɨtɨ Tumpa jemimbota rupi. Oreä ko royapo mbae ikavimbae vae peve.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.