2 Corintios 7:10 - Biblia Guarani Tumpa Iñee

¹⁰ Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.

Nuevo Testamento Guaraní Pe

¹⁰ Echa mbɨatɨtɨ ñanoi vae icavi yave Tumpa pe, yaeya ñaneñemongueta icavi mbae vae ñandepɨa pe oi vae, jare Tumpa ñanderepɨ. Jare cuae re ngaraa ñandepɨatɨtɨ. Erei ñandepɨatɨtɨ yave oporogüɨrovia mbae vae reta ipɨatɨtɨ rami, Tumpa mbaetita tei ñanderepɨ.

2 Corintios 7:10 ပူးပေါင်းရင်းမြစ်များ

GÉNESIS 30:1

Raquel oecha yave jae mbaetɨ imembɨ Jacob pe omotareɨ tɨke Lea, jare jei ime pe: —Chemomembɨ, echa mbaetɨ yave amanota.

2 SAMUEL 12:13

Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

2 SAMUEL 13:4

Metei ara Jonadab oparandu chupe: —¿Maratu pa reiko mburuvicha taɨ? ¿Maera pa ara ñavo jeieteño ma ndepiru? ¿Mbaetɨta pa remombeu cheve? Jare Amnón jei chupe: —Cheporopota ko aiko cherɨvɨ Absalón jeindɨ Tamar re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

1 REYES 21:4

Acab ojo jo kotɨ ipɨatɨtɨ jare iyarasɨ reve Nabot jei chupe vae re, echa jei chupe mbaetɨta omee tu imbaegüe opɨta imbaerä vae. Ojo oväe jare oyapakua omae reve ovapetea kotɨ, jare mbaetɨ oipota okaru.

SALMOS 38:18

Jáeramo amombeuta ikavimbae ayapo vae, ayembopɨatɨtɨta cheyoa re.

PROVERBIOS 15:13

Ipɨa oyerovia katu vae, jova kuera katu; ërei ipɨatɨtɨ yae vae, ipɨarúi.

PROVERBIOS 15:15

Mbɨatɨtɨ rupi oiko vae pe, ara reta ikaviä etei; ërei yerovia katu rupi oiko vae pe, arete avei ko chupeguarä.

PROVERBIOS 17:22

Yerovia katu, moa ikavi vae rami ko yanderete pe, ërei mbɨatɨtɨ, oporomombaerasɨ ko.

PROVERBIOS 18:14

Imbaerasɨ vae opüa, oñemoäta ngatu ramo, ërei ipɨatɨtɨ yae oï vae, ¿kia pa ipuereta omopüa?

ECLESIASTÉS 7:3

Yandepɨatɨtɨ vae jaekaviño ko yapuka vae güi, echa yandepɨatɨtɨ vae, yandembopɨakatu.

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

JONÁS 4:9

Jayave Tumpa jei Jonás pe: —¿Ndearasɨ yae pa andai rokɨ re? Jare Jonás jei: —¡Chearasɨ yae, aipotaecha amano chearasɨ güi!

San Mateo 26:75

Jare Pedro imaendúa Jesús jei chupe vae re: “Ndei takareo oñee mbove, mboapɨ ye ma chekuakuta.” Jayave Pedro oë joko güi, jare ipɨatɨtɨ yae reve oyaeo.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 18:13

Ërei jókuae mburuvicha peguarä okovara vae oyemboɨ oï mombɨrɨño, mbaetɨ ikɨ̈reɨ jovaɨva kërai yepe ara kotɨ. Jaeño okua okua ipɨtía re jei reve: ‘CheRu Tumpa, cheparareko. Echa che cheyoa vae ko.’

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

2 Corintios 7:9

añave ayerovia. Ërei mbaetɨ ayerovia pepɨatɨtɨ ramoño. Echa pepɨatɨtɨ, peeya vaerä peyemongeta ikavimbae vae pepɨa pe oï vae. Echa pepɨatɨtɨ Tumpa jemimbota rupi. Oreä ko royapo mbae ikavimbae vae peve.

Hebreos 12:17

Jare peikuaa kërai taɨkue rupi Esaú oipota tëi güɨnoi ñee kavi tu güi, ërei mbaetɨ ma oñemee chupe, yepe tëi oyerure jese oyaeo reve, ërei mbaetɨ ma mbae ipuere oyeapo.

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.