2 Corintios 6:9 - Biblia Guarani Tumpa Iñee

⁹ orekuaambae rami, yepe tëi orekuaa kavi, romano potaecha, ërei roikoveño roï, orenupa reta, ërei mbaetɨ romano.

Nuevo Testamento Guaraní Pe

⁹ Iru vae reta mbaeti orecuaa. Erei Tumpa orecuaa cavi. Romano seri aveiño, erei jecuaeño roi. Iru vae reta orenupa, erei ndeiño oreyuca.

2 Corintios 6:9 ပူးပေါင်းရင်းမြစ်များ

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Hechos 25:19

Jaeño omboeko reta jae iporogüɨrovia re, jare metei kuimbae Jesús jee vae omano ma vae re. Ërei Pablo jei oikove ye ko.

Hechos 25:26

Ërei mbaetɨ aikuaa mbae re ra aikuatiata cheruvicha pe ramo aruruka peróvai, jare nderóvai etei, mburuvicha guasu Agripa, aikuaa vaerä mbae re aikuatiata, opa yaparandu chupe yave.

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

1 Corintios 11:32

Ërei yandemboeko ramo yandeYa oiporarauka yandeve, agüɨye vaerä yayemboeko oporogüɨroviambae vae reta ndive.

1 Corintios 15:31

Cherɨvɨ reta, ara ñavo amano vaerä aiko. Kuae añete ko, yerovia anoi peré yandeYa Jesucristo re vae rami.

1 Corintios 4:9

Echa ayemongeta ore temimondo reta Tumpa oreñono taɨkue ete opaete vae güi, royeyukata vaerä rami. Opaete vae omae vaerä oreré, araɨgua reta jare ɨvɨ pegua reta.

2 Corintios 11:6

Yepe tëi mbaetɨ chepoki chemiari vaerä, ërei aikuaa katu chemiari peve jese vae. Jare opaete royapogüe rupi roikuaauka peve jókuae.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.