2 Corintios 6:8 - Biblia Guarani Tumpa Iñee

⁸ oremboete vae, orereröɨro vae, oremoërakua pɨ̈chɨi vae, oremoërakua kavi vae, iyapu vae rami oreapo, yepe tëi oremiari añete vae,

Nuevo Testamento Guaraní Pe

⁸ Amogüe vae oremboete, jare amogüe vae orereroɨro. Amogüe vae jei mbaembae icavi vae oreré, jare amogüe vae jei mbaembae icavi mbae vae oreré. Yepe tei iru vae reta jei ore co jae oporombotavɨ vae reta, jecuaeño roe añete vae.

2 Corintios 6:8 ပူးပေါင်းရင်းမြစ်များ

San Mateo 10:25

Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 27:63

Jare jei reta chupe: —Oreruvicha, oremaendúa kërai jókuae kuimbae oporombotavɨse vae ndei omano mbove jei: “Mboapɨ ara pe aikove yeta.”

San Marcos 12:14

Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

San Juan 7:12

Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 16:39

Jayave yogüeru tembipɨɨrɨru pe omoñera vaerä Pablo jare Silas. Jayave güɨnoe ikatu pe, jare omoñera yogüɨraja vaerä tëta guasu güi.

Hechos 22:12

Jare oiko joko pe metei kuimbae Ananías jee vae. Jae oipoɨu Tumpa güi mborookuai oyapo reve, jare opaete judío joko pe yogüɨreko vae reta imiari kavi jese.

Hechos 24:5

Echa roikuaa ma kuae kuimbae ko mbaerasɨ ikavimbae rami. Jae omopüa judío reta oyokotɨ opaete kerupi. Jare jae ko Nazaret-ɨgua jupiegua reta itenondegua.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

Hechos 4:21

Jayave jókuae mburuvicha reta oyókuai yeyé omongɨɨye reve oyora omondo Pedro jare Juan. Ipuereä oinupauka reta, opaete vae reta güi okɨɨye ramo. Echa opaete vae reta omboete Tumpa jókuae oyeapo vae jeko pegua.

Hechos 5:13

Jare opaete ïru vae reta okɨɨye oñemoïru vaerä jae reta ndive. Ërei opaete vae reta omboete.

Hechos 6:3

Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

Romanos 3:8

Jayave yandepuere yae: “Yayapo ikavimbae vae, ikavi vae oime vaerä.” (Echa jökorai jei amogüe yandemboeko vaerä iyapu reve. Jei reta jökorai ko yaporomboe vae. Jókuae reta jupi ko oiporara vaerä.)

2 Corintios 1:18

Tumpa oikuaa ko ngaraa roe roeiño.

2 Corintios 11:21

Yepe tëi chemara jae vaerä, ¡ore reta mbaetɨ orepuere jökorai roiko! Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

2 Corintios 12:16

Che mbaetɨ pomoambeko mbae re, ërei amogüe reta jei: “Añete, Pablo mbaetɨ yandemoambeko mbae re, ërei oime ko aipo kërai yandembotavɨ.”

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

1 Tesalonicenses 2:3

Echa oreporomboarakuaa mbaetɨ royavɨ, añetete ko, mbaetɨ ko roporombotavɨ.

1 Timoteo 3:7

Jaeramiño vi tijërakua kavi oporogüɨroviambae vae reta pe, agüɨye vaerä imboetea poi jare oa aña guasu iñuai pe.

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

3 Juan 1:12

Opaete vae imiari kavi Demetrio re. Echa jae oiko añete vae rupi. Ore vi romombeu peve jae jekuaeño oyapo ikavi vae. Jare peikuaa ore romombeu peve vae añete ko.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.