2 Corintios 6:7 - Biblia Guarani Tumpa Iñee

⁷ ñee añete vae rupi, Tumpa imbaepuere pe, royapo avei jupi vae,

Nuevo Testamento Guaraní Pe

⁷ Romombeu iru vae reta pe ñee añete vae, jare Tumpa oremborɨ imbaepuere pe. Jecuaeño royapo jupi vae, amogüe vae güɨrovia vaera Cristo re, jare agüɨye vaera iru vae reta ipuere oremboeco mbae re.

2 Corintios 6:7 ပူးပေါင်းရင်းမြစ်များ

SALMOS 119:43

Agüɨye eekɨ cheyuru güi ñee añete vae, echa neñee reño ko ayeko.

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

PROVERBIOS 3:16

Ipo iyakatu kotɨ güɨrökuavee tekove puku, ipo iyasu kotɨ güɨrökuavee mbaeyekou jare mboromboete.

ISAÍAS 11:5

Jare oyemondeta jupi vae pe, jare oyekuakuata añete vae pe.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

1 Corintios 1:24

Ërei Tumpa oiparavogüe Judío reta jare Greciaɨgua reta pe Cristo ko, jae Tumpa imbaepuere jare iyarakuaa.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Corintios 7:14

Echa chemiari kavi Tito pe peré vae re mbaetɨ chemara. Opaete roe peve vae añete ko. Jaeramiño vi Tito oikuaa ma añete ko jókuae che jae chupe peregua vae.

Efesios 1:13

Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.

Efesios 3:20

Jare añave toyemboete Tumpa, imbaepuere yae oyapo vaerä jeta yae opaete mbaembae yaiporu vae ani yaikuaa vae güi, imbaepuere yandeɨvɨte pe oparavɨkɨ vae rupi.

Efesios 4:21

Añetete ko peendu jare peyemboe jesegua yave, kërai Jesús re ko oï añete vae.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

2 Timoteo 2:15

Eñemoäta ngatu, repɨta kavi vaerä Tumpa ndive, oparavɨkɨ vae mbaetɨ mbae güi imara vaerä vae rami, eporomboe ikavi rupi ñee añete vae re.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.