2 Corintios 6:5 - Biblia Guarani Tumpa Iñee

⁵ ñenupa reta, tembipɨɨrɨru pe, tekorai pe, mbaravɨkɨ tätagüe, topeɨ reta, yɨmbɨaɨ reta;

Nuevo Testamento Guaraní Pe

⁵ Iru vae reta orenupa jare oreñono tembipɨɨrɨru pe. Iru vae reta oyapo tecorai oreré. Tanta roparavɨquɨ. Amo pe mbaeti orepuere roque. Amo pe mbaeti orerembiura.

2 Corintios 6:5 ပူးပေါင်းရင်းမြစ်များ

1 REYES 22:27

Pere chupe che ayókuai oñono vaerä tembipɨɨ rɨru pe jare michi tembíu toñemee chupe jare ɨ, che ayerova ye regua chepɨakatu reve.

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

JEREMÍAS 33:1

YandeYa jei mokoía ma Jeremías pe, oimeño vɨteri tembipɨɨrä oiko tembipɨɨrɨru joka pe yave; jei chupe:

JEREMÍAS 38:6

Jayave jae reta oipɨɨ Jeremías jare ombogüeyɨ reta ɨrɨru pe, Malquías, Hamelec taɨ imbae pe, tembipɨɨrɨru joka pe oï vae pe; ombogüeyɨ reta Jeremías tɨmasa pe. Jare jókuae ɨrɨru pe mbaetɨ ɨ, jaeño tuyuapo, jare Jeremías oike jókuae tuyuapo yasuru vae pe.

EZEQUIEL 3:17

“Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

San Mateo 14:10

Jayave oyókuai sundaro reta oñäka-sɨa vaerä Juan tembipɨɨrɨru pe.

San Mateo 14:3

Echa Herodes yepe oipɨɨuka Juan, oipokuauka karena pe, jare oñoñauka tembipɨɨrɨru pe, Herodías jeko pegua. Echa Herodías jae ko Herodes tɨvɨ Felipe jembireko.

San Mateo 9:15

Jayave Jesús jei chupe reta: —Mendaa pe ñogüɨnoi vae reta ¿oyekuaku ra tembíu güi, omenda vae jae reta ndive oï ramboeve? Ërei outa oväe ara jókuae omenda vae oyererajauka vaerä chugüi reta. Jayave ramo oyekuaku retata tembíu güi.

Hechos 13:3

Jayave oyekuaku reta tembíu güi, jare oyerure reta Tumpa pe. Javoi ïru reta oñono ipo jese reta jare omondo reta.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:23

Jare oporogüɨrovia vae reta ñogüɨnoia ñavo Pablo jare Bernabé oiparavo oporogüɨrovia vae reta itenondeguarä. Jare oyekuaku tembíu güi reve oyerure reta, oeya yandeYa jae reta güɨrovia jese vae ipo pe.

Hechos 17:5

Ërei judío oporogüɨroviambae reta iyakatúä Pablo jare Silas re ramo, omboatɨ jeta kuimbae jembiapombae jare jeko pochɨ vae reta, oyapo tekorai tëta guasu pe. Javoi oporepeña reta Jasón jo re oeka tëi Pablo jare Silas, güɨraja vaerä tëta guasu pegua reta jóvai.

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Hechos 23:10

Jare ikaviä yae ma oyoaka reta ramo, sundaro jeta vae juvicha oyemongeta güɨramoi oyuka retata Pablo, jare oyókuai isundaro reta yogüeru vaerä güɨraja Pablo jae reta ipɨte güi sundaro rëta pe.

Hechos 23:35

jei Pablo pe: —Tayeapɨsaka nderé kuri, yogüeru yave ndemboeko vae reta. Jayave oyókuai sundaro reta oyangareko vaerä jese Herodes iporojäa renda pe.

Hechos 24:27

Ërei mókoi año ma oasa yave, Porcio Festo ou Félix jekovia pe. Jare Félix oipota omboyerovia judío reta ramo, oeya Pablo tembipɨɨrɨru pe.

Hechos 26:10

Jare jökorai ayapo Jerusalén pe. Sacerdote reta itenondegua reta mbaepuere omee cheve yave, añono tembipɨɨrɨru pe jeta oporogüɨrovia vae reta. Jare oyuka reta yave, cheve jaekavi omano vaerä.

Hechos 26:29

Jayave Pablo jei chupe: —Mbae mona Tumpa oipota jarembae ani ɨma pe, nde jare opaete ïru añave oyeapɨsaka cheré vae reta peyeapo vaerä che rami, ërei agüɨye kuae nunga karena ndive.

Hechos 28:30

Jare Pablo mókoi año oiko metei o omboepɨ vae pe. Joko pe omboresive opaete yogüeru opou ípɨri vae reta.

Hechos 5:18

Jare oipɨɨ reta oñoña tembipɨɨrɨru opaete vae pegua pe.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 4:11

Añave regua roiporara yɨmbɨaɨ, ɨuve, nandi, ñenupa jare orero ave mbaetɨ.

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

2 Corintios 11:27

Täta aparavɨkɨ aiporara reve. Jeta aiporara topeɨ, yɨmbɨaɨ ɨuve, iroɨ jare nandi.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

DEUTERONOMIO 25:3

Agüɨye toasa toyeporu jese cuarenta chikote, agüɨye vaerä jeta ete peinupa yave imboeteambae opɨta peróvai.

Filipenses 1:13

Echa opaete sundaro mburuvicha guasu jo pegua reta jare opaete ïru vae reta oikuaa kërai che kuae tembipɨɨrɨru pe aï Cristo pe ayeokuai ramo.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 13:23

Tamombeu peve yanderɨvɨ Timoteo oë ma tembipɨɨrɨru güi. Jae ou yave ɨmambae, arajata cherupíe aja pépɨri yave.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.