2 Corintios 6:14 - Biblia Guarani Tumpa Iñee

¹⁴ Agüɨye peñemoïru oporogüɨroviambae vae reta ndive. Echa ¿këraita pa mbaejupi oñemoïru mbaejupimbae ndive?, ani ¿këraita pa tembipe oñemoïru pɨtumimbi ndive?

Nuevo Testamento Guaraní Pe

¹⁴ Agüɨye peñemoiru oporogüɨrovia mbae vae reta ndive. Echa oporogüɨrovia mbae vae reta iñemongueta mbaeti oyovaque oporogüɨrovia vae reta iñemongueta ndive. Echa jupi vae mbaeti etei oyovaque jupi mbae vae ndive. Jae ramiño vi tembipe jare pɨtumimbi mbaeti etei ipuere yogüɨreco pave.

2 Corintios 6:14 ပူးပေါင်းရင်းမြစ်များ

GÉNESIS 24:3

jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

2 CRÓNICAS 19:2

Jare mbae re oecha voi vae Jehú, Hanani taɨ oë oövaiti jare jei chupe: “¿Maera pa remborɨ jeko kavimbae, reñemoïru güɨröɨro yandeYa vae reta ndive? Kuae jeko pegua yandeYa iyarasɨ ndeve.

ESDRAS 10:19

Kuae reta oñererökuavee omombo vaerä jembireko reta, jare omee reta mbota iyoa re metei vecha kuimbae jɨmba reta güi.

SALMOS 106:35

Ërei oyea reta tëtaguasu reta ndive, jare omomoe reta jeko reta:

SALMOS 119:63

Oipoɨu ndegüi vae reta jare opaete jókuae ndeporookuai oyapo katu vae reta iñeïru ko che.

SALMOS 16:3

Tumpa-raanga reta imbaepuere ko, jese güɨrovia vae reta peguarä.

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

PROVERBIOS 22:24

Agüɨye eyemoinge iyarasɨ katu vae ipɨte pe, agüɨye eñemoïru iyarasɨ katu vae ndive;

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

LEVÍTICO 19:19

Peyapo cheporookuai reta. Agüɨye perɨmba pemboyopɨɨ mɨmba ambuaeyee vae ndive. Agüɨye pemboyea yea temitɨ jäɨ peñotɨ peko pe. Agüɨye peyemonde temimonde ipɨaa oyea yea vae pe.

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

Hechos 4:23

Pedro jare Juan oyeyora güire, yogüɨraja iñeïru reta pɨri, jare omombeu chupe reta opaete sacerdote reta itenondegua reta jare Israel iñemuña itenondegua reta jei chupe reta vae.

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

1 Corintios 15:33

Agüɨye peyavɨ. Jeko kavimbae reta ndive ñañemoïru yave, güɨrokomegua yandereko kavi.

1 Corintios 5:9

Aikuatía ma peve, agüɨye vaerä peñemoïru iyaguasa pota vae reta ndive;

1 Corintios 6:6

Echa oporogüɨrovia vae reta oñeapo oyoe yave, oñeapo oporogüɨroviambae vae reta pe.

1 Corintios 7:39

Kuña omenda vae oñeapɨti ko oï, ime oikove oiko ramboeve. Ërei ime omano yave, ipuere omenda ye jae oipota vae ndive. Ërei tomenda oporogüɨrovia vae ndive.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.