2 Corintios 5:18 - Biblia Guarani Tumpa Iñee

¹⁸ Tumpa ko oyapo opaete kuae. Jae yandembopɨakatu jae ndive Cristo rupi, jare omee yandeve ñamoërakua vaerä ïru vae reta pe yembopɨakatu regua;

Nuevo Testamento Guaraní Pe

¹⁸ Jare Tumpa oyapo opaete cuae. Jare jae ñanembopɨacatu jae ndive Cristo rupi, jare omee ñandeve ñamombeu vaera iru vae reta pe quirai jae oipota ombopɨacatu reta jae ndive.

2 Corintios 5:18 ပူးပေါင်းရင်းမြစ်များ

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 57:19

jare jaeta opaete vae pe: ‘¡Mbɨakatu toime mombɨrɨ ñogüɨnoi vae pe jare mbɨakatu toime köiño ñogüɨnoi vae pe! Che aipoanota tëta chembae vae reta.’

EZEQUIEL 45:15

Dosciento vecha vae güi oñemeeta metei vecha, oyemongɨra kavi yae vae Israel pegua. Kuae ko jae mɨmba oyeyukagüe opaetei oyeapɨ vaerä, mbota yembopɨakatu peguarä, mɨmba oyeyuka Tumpa iñɨ̈ro mbaeyoa re vaerä. Che ndeYa Tumpa jae kuae.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

LEVÍTICO 6:30

Ërei agüɨye toyeu mɨmba jugüɨgüe oyereroike tupao guakapi pegua pe vae isoogüe, jókuae cheɨ̈ro vaerä mbaeyoa re vae. Jókuae mbota opaetei toyeapɨ.

San Lucas 10:5

Jare peo peväe yave oipota rupi metei o pe, tenonde pere: ‘Toï mbɨakatu kuae o pe.’

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 3:16

Echa Tumpa oaɨu yae ɨvɨ pegua reta. Jáeramo omee Taɨ jaevaeño vae, oipotagüe güɨrovia jese vae güɨnoi vaerä tekove opambae vae, ngaraa ojo kañɨtei pe.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 11:12

Echa kuña oyeapo ko kuimbae güi, jare kuimbae oa kuña güi. Ërei Tumpa oyapo opareve.

1 Corintios 12:6

Jare mbaravɨkɨ yayapo vae reta opa oyoavɨ avɨ, ërei Tumpa opaete mbaembae iyapoa, meteiño ko.

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

1 Juan 4:10

Kuae re oï mboroaɨu: Mbaetɨ ko yande yaaɨu Tumpa ramo, jaeño jae yanderaɨu jare ombou Taɨ rupi iñɨ̈ro vaerä yandeyoa reta re.