2 Corintios 5:17 - Biblia Guarani Tumpa Iñee

¹⁷ Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Nuevo Testamento Guaraní Pe

¹⁷ Jae rambue oime yave quia güɨrovia Cristo re vae, Tumpa omee chupe tecove ipɨau vae. Mbaeti ma oipota mbaembae tenonde yave oipota vae. Oipota ma mbaembae tecove ipɨau vae pegua.

2 Corintios 5:17 ပူးပေါင်းရင်းမြစ်များ

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 36:26

Ameeta peve pepɨarä ipɨau vae jare peyemongetarä ipɨau vae, aekɨta pegüi pepɨatäta ita rami vae, jare ameeta peve pepɨarä, ikɨ̈reɨ ngatu vae.

San Mateo 12:33

Penoi yave ɨvɨra ikavi vae, ia ikavita vi. Ërei penoi yave ɨvɨra ikavimbae vae, ngaraa vi ia ikavi. Echa ɨvɨra, ia rupi ko peikuaata.

San Mateo 24:35

Ara jare ɨvɨ opata ko, ërei cheñee reta ngaraa opa.

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

San Juan 14:20

Jókuae ara peikuaata ko che meteiño cheRu ndive, jare pe reta meteiño che ndive vae, jare che meteiño pe ndive.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 15:5

Che ko jae uva iɨ, jare pe reta ko jae jäka reta. Jókuae oiko cheré vae jare che jese vae jetata ia. Echa mbaetɨ peï cheré yave, ngaraa etei mbae peyapo.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

San Juan 3:3

Jesús jei Nicodemo pe: —Añetete che jae ndeve, mbaetɨ kia oa pɨau ye vae, ngaraa ipuere oecha Tumpa iporookuaía.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

Romanos 16:10

Tamaraeme vi Apeles. Iporogüɨrovia Cristo re oyekuaa ikavi vae. Tamaraeme toñogüɨnoi Aristóbulo jo pegua reta.

Romanos 16:11

Tamaraeme vi toï cherëtaɨgua Herodión. Jaeramiño vi Narciso jo pegua oporogüɨrovia vae reta.

Romanos 16:3

Pemee tamaraeme Priscila jare Aquila. Cristo Jesús iparavɨkɨ pe chemborɨ vae reta;

Romanos 16:7

Jaeramiño vi tamaraeme toï Andrónico jare Junias. Jae reta ko cherëtaɨgua reta, yogüɨrekose tembipɨɨrɨru pe che ndive vae. Imboetea yae temimondo reta ipɨte pe vae, jae reta ko güɨrovia Cristo re ndei che arovia mbove vae reta.

Romanos 16:9

Jaeramiño vi tamaraeme toï Urbano. Cristo Jesús iparavɨkɨ pe oremborɨ vae. Jare vi cherɨvɨ Estaquis.

Romanos 7:6

Ërei añave yayeyora ma mborookuai güi, ñamano ma jókuae yayeokuaise chupe vae güi ramo, yandepuere yayeokuai ipɨau vae Espíritu pegua pe, jare agüɨye mo yayeokuai mborookuai indechi vae jei vae pe.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 13:11

Che chemichi yave, chemiari yepi metei michia imiari rami, ayemongeta yepi metei michia rami, aiko yepi metei michia rami. Ërei akuakuaa ma yave, mbaetɨ ma aiko metei michia oiko rami.

2 Corintios 12:2

Aikuaa metei kuimbae Cristo re güɨrovia vae. Oasa ma catorce año oyereraja mboapɨa ara ɨvategua ete pe. Mbaetɨ aikuaa ojo ra jete reve ani mbaetɨ ra. Tumpaño oikuaa.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Gálatas 6:15

Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Filipenses 4:21

Tamaraeme toñogüɨnoi opaete Cristo Jesús re güɨrovia vae reta. Yanderɨvɨ reta che ndive ñogüɨnoi vae vi omondo tamaraeme peve.