2 Corintios 5:14 - Biblia Guarani Tumpa Iñee

¹⁴ Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

Nuevo Testamento Guaraní Pe

¹⁴ Echa Cristo oreraɨu rambue, orequɨreɨ yae royeócuai chupe. Echa roicuaa cavi Cristo omano opaete ñanderé. Jae rambue opaete ñande vi ñamano ñaneremimbota ae güi.

2 Corintios 5:14 ပူးပေါင်းရင်းမြစ်များ

1 CRÓNICAS 11:18

Jayave jókuae mboapɨ jëia vae yogüɨraja filisteo reta jeyupa pe jare güɨnoe ɨ Belén jöke pe ɨkua oï vae güi güɨraja David pe. Ërei David mbaetɨ oipota jou, jaeño opɨyere yandeYa peguarä, jare jei:

JOB 32:18

Jeta yae ñee reta anoi, mbaetɨ ma chepuere chekïrii.

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Lucas 15:24

Echa kuae cheraɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ Jare omboɨpɨ reta omboarete.

San Lucas 15:32

Ërei ikavi ko yayapo arete jare yayerovia. Echa kuae nderɨvɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ ”

San Lucas 24:29

Ërei jae reta oyopia jei reve chupe: —Epɨta ore ndive. Echa kaaru ma. Pɨ̈tu ma ko oï. Jayave Jesús opɨta jae reta ndive.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 5:25

Añetete che jae peve, oväeta ara, jae ko añave, omanogüe vae reta oendu vaerä che Tumpa Taɨ iñee jare opaete oendu vae reta oikoveta.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Romanos 2:2

Ërei yaikuaa Tumpa iporojäa añete vae rupi ko, jókuae teko ikavimbae vae iyapoa reta kotɨ.

Romanos 5:15

Ërei Tumpa omee yandeve vae mbaetɨ omboyovake Adán oyapo vae. Echa jókuae metei vae iyoa vae rupi, jeta vae omano. Ërei Tumpa omee yandeve ipɨakavi jókuae metei rupi vae, tuicha yae ko kuae güi opaete vae peguarä vae, jae ko Jesucristo.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

Romanos 6:6

yaikuaa kërai yandereko indechigüe oyekutu kurusu re Cristo ndive, oyemboai vaerä mbaeyoa yanderete re oï vae, agüɨye vaerä mo jekuaeño yaiko mbaeyoa jeia re.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

2 Corintios 3:7

Jókuae mborookuai oporoyuka vae oyekuatía oï ita reta re vae oñemee Moisés pe yave, Moisés jova jembipe yae, jáeramo Israel iñemuña reta ipuereä omae Moisés jova re. Ërei jókuae jembipe vae mbaetɨ ɨma oiko.

2 Corintios 3:9

Echa jókuae mborookuai oporoyuka vae iyemboetea reve ou yave, vɨtei pa Espíritu pegua iyemboetea yandembojupi vae.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Colosenses 2:13

Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Colosenses 3:3

Echa pemano ma ko, jare perekove oime ma oï Cristo ndive Tumpa re.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

1 Timoteo 5:6

Ërei imemano vae oeka jete omboyerovia vaeräño vae, omano rami ko oiko.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Hebreos 2:9

Ërei yaikuaa ko Jesús, Tumpa omomichi mí araɨgua reta güi vae tuichagüe yae jare imboetea yae, imano jeko pegua. Jökorai Tumpa ipɨakavi jeko pegua omano opaete re.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.