2 Corintios 4:9 - Biblia Guarani Tumpa Iñee

⁹ ïru vae reta oyapo ikavimbae vae oreve, ërei Tumpa mbaetɨ orereeya. Orereitɨ reta tëi, ërei mbaetɨ oremokañɨtei.

Nuevo Testamento Guaraní Pe

⁹ Iru vae reta oyapo icavi mbae vae oreve, erei jecuaeño Tumpa oime oi ore ndive. Romano seri, erei jecuaeño Tumpa omee oreve tecove.

2 Corintios 4:9 ပူးပေါင်းရင်းမြစ်များ

JOB 22:29

Echa Tumpa omomichi oyembotuicha vae, jare ombotuicha oñemomichi vae.

SALMOS 22:1

CheRu Tumpa, cheRu Tumpa, ¿maera pa chereeya? ¿Maera pa mbaetɨ reyu chemborɨ? ¿Maera pa mbaetɨ reendu cheräse aï vae?

SALMOS 37:28

Echa yandeYa oaɨu isɨmbi rupi mbae oyeapo vae, mbaetɨ oeya oñeñono tee chupe vae reta, oyangarekota jese reta jekuae avei; ërei iyoa vae reta iñemuña opata okañɨtei.

SALMOS 42:11

¿Maera pa ayembopɨtuta? ¿Maera pa ayemoambekota? Cheporoäro anoi Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 42:5

¿Maera pa ayembopɨtuta? ¿Maera pa ayemoambekota? Cheporoäro anoi ko Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

PROVERBIOS 24:16

echa jupi vae, yepe tëi ogüɨapi mbovɨ ye, opüa yeta ko; ërei iyoa vae, oata susere pe.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

MIQUEAS 7:8

Nde, cherovaicho agüɨye epuka emae cheré, echa yepe tëi agüɨapi, ërei apüa yeta ko; yepe tëi aiko pɨtumimbi rupi; ërei yandeYa oikota tembipe cheveguarä.

HABACUC 3:17

Amboeteta, yepe tëi mbaetɨ ipotɨ ɨva, ani mbaetɨ uvarupa pe ia uva jare ɨvɨra olivo; yepe tëi ko pe mbaetɨ mbaagüɨye; yepe tëi mɨmbarókai pe opa vecha reta jare guaka mbaetɨ jókai pe. Jeseve ayerovia yaeta, cheYa chereroasayepe vae re.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”