2 Corintios 4:7 - Biblia Guarani Tumpa Iñee

⁷ Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.

Nuevo Testamento Guaraní Pe

⁷ Jare cuae icavi yae vae oime Tumpa güi rogüɨnoi vae oico orerete pe, yepe tei orerete ɨvɨ pegua co, oyecuaa vaera cuae mbaepuere tuicha yae vae oime rogüɨnoi vae Tumpa imbaepuere co, mbaeti co orembaepuere aeño.

2 Corintios 4:7 ပူးပေါင်းရင်းမြစ်များ

JOB 10:9

Nemaendúa, cheapo ko tuyuapo güi, ¿chemondo yeta pa añave ɨvɨkuirä?

JOB 33:6

Mase, che jare nde yayovake ko Tumpa jóvai, che cheapo vi tuyuapo güi.

JOB 4:19

¡Vɨtei pa kuimbae, imbaepuerembae vae, o tuyuapo pegua oñemopüa ɨvɨkúi re vae ramiño vae, oñepɨ̈rota jese, kupii re ñapɨ̈ro rami!

LAMENTACIONES 4:2

Sión pegua reta, iyemboetea yae yepi oro güi vae, añave yogüɨreko ɨvɨyapepo, oñaeu-apo vae jembiapo rami.

San Mateo 13:44

Araɨgua mborookuaía, korepoti oñeotɨgüe rami ko. Echa metei kuimbae oväe yave jókuae korepoti oñeotɨgüe, oñotɨ pɨau ye, jare oyerovia reve ojo omee korepoti re opaete imbaembae ogua vaerä jókuae ɨvɨ.

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

1 Corintios 1:28

Tumpa oiparavo ko mbaeä etei vae reta jare oñereröɨro vae reta. Oiparavo ko jókuae mbaeä etei vae reta, omokañɨ vaerä jókuae jërakua vae reta;

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

2 Corintios 4:1

Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

Efesios 2:5

yepe tëi tenonde yave ñamano ñaï mbaeyoa pe, ërei omee yandeve tekove Cristo re (Tumpa ipɨakavi rupi ayemboasauka),

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

Colosenses 2:3

Echa Cristo re oñeväe opaetei arakuaa reta.

1 Tesalonicenses 1:5

Echa ñee ikavi vae romombeu peve yave mbaetɨ romombeu peve ñee rupiño, Espíritu Santo imbaepuere rupi ko jare roikuaa kavi añetete ko ñee ikavi vae. Jare peikuaa kavi kërai rojo pepɨte pe, mboroaɨu reve.

1 Tesalonicenses 4:4

metei ñavo pegüi güɨnoi vaerä jembireko ae, jupi rupi jare mboromboete rupi,

2 Timoteo 2:20

Echa metei o tuicha vae pe mbaetɨ oime tembiporu oro pegua jare korepoti peguaño, oime vi ɨvɨra pegua jare ñaeu pegua. Amogüe reta oyeporu mbaemboete peguarä, ïru reta oyeporu mbaemboetembae peguarä.

JUECES 7:2

Jare yandeYa jei Gedeón pe: “Tëta ñogüɨnoi nde ndive vae jeta yae ko amee vaerä Madián iñemuña reta pepo pe, echa Israel iñemuña reta oyererovia katuta jae reta aeño ko oporomoamɨri vae.