2 Corintios 4:5 - Biblia Guarani Tumpa Iñee

⁵ Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.

Nuevo Testamento Guaraní Pe

⁵ Ore roñemoñee yave, romombeu ñandeYa Cristo Jesús, mbaeti oremiari oreyee. Echa ore co jae perembiócuai retaño, Jesús roaɨu rambue.

2 Corintios 4:5 ပူးပေါင်းရင်းမြစ်များ

San Mateo 23:8

Ërei pe reta agüɨye peipota ïru vae reta jei vaerä peve: ‘Oporomboe vae.’ Echa meteiño ko oporomboe vae, jae ko Cristo, jare opaete pe reta metei tëtara ko.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 10:33

Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

1 Corintios 12:3

Jáeramo aipota peikuaa: Tumpa iEspíritu rupi imiari vae, ngaraa oyepopeyu Jesús re. Jaeño Espíritu Santo rupi ipuere kia jei: “¡Jesús ko jae cheYa!”

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

1 Corintios 2:2

Echa pepɨte pe aï ramboeve, añeñono mbaetɨ oikuaa vaerä ïru mbae re jaeño amombeu vaerä peve Jesucristo kërai omano kurusu re vae regua.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

2 Corintios 1:24

Mbaetɨ ko rogüɨnoi mbaepuere peporogüɨrovia re. Echa pepɨ̈rata ma peporogüɨrovia re. Jaeño roipota pomborɨ, pe reta peyerovia vaerä.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Filipenses 1:15

Añete ko, amogüe vae omombeu Cristo regua iyakatúä cheré güi, jare oyemboyovaicho chekotɨ güi. Ërei ïru vae reta omombeu ikɨ̈reɨ ngatu güi.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.