2 Corintios 4:12 - Biblia Guarani Tumpa Iñee

¹² Jáeramo ore reta romano vaerä roiko, pe reta penoi vaerä tekove.

Nuevo Testamento Guaraní Pe

¹² Jae rambue jecuaeño roiporara yae roico, pe reta penoi vaera tecove opa mbae vae.

2 Corintios 4:12 ပူးပေါင်းရင်းမြစ်များ

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

2 Corintios 4:11

Echa ore reta oimeño roikove vae, roñemoëgua avei mano pe Jesús roaɨu ramo, oyekuaa vaerä orerete mano pegua re Jesús jekove.

2 Corintios 4:13

Oreporogüɨrovia oyovake ko jókuae oyekuatía oï rami, echa jei: “Che arovia ko. Jáeramo jae.” Jaeramiño vi ore rogüɨrovia. Jáeramo oremiari jese.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.