2 Corintios 3:7 - Biblia Guarani Tumpa Iñee

⁷ Jókuae mborookuai oporoyuka vae oyekuatía oï ita reta re vae oñemee Moisés pe yave, Moisés jova jembipe yae, jáeramo Israel iñemuña reta ipuereä omae Moisés jova re. Ërei jókuae jembipe vae mbaetɨ ɨma oiko.

Nuevo Testamento Guaraní Pe

⁷ Jocuae mboroócuai oyecuatía oi ita reta re vae oñemee Moisés pe yave, Tumpa oesape yae Moisés iárambue. Jae rambue Israel pegua reta mbaeti ipuere omae ngatu Moisés jova re. Echa Moisés jova vi oesape yae. Yepe tei mboroócuai jei mbaeti jeigüe oyapo vae omanota co, erei oñemee Moisés jova oesape yae reve. Erei jocuae oesape vae mbaeti ɨma oico.

2 Corintios 3:7 ပူးပေါင်းရင်းမြစ်များ

GÉNESIS 3:21

YandeYa Tumpa oyapo kuimbae jare jembireko jemimonderä mɨmbapiregüe, jare omondeuka chupe reta.

NEHEMÍAS 9:13

Jare regüeyɨ ɨvɨtɨ Sinaí re, nemiari jae reta ndive ara kotɨ güi, remee chupe reta yemongeta kavi, mborookuai reta añetetegüe jare ikavigüe.

SALMOS 119:174

CheYa Tumpa, ¡aipota ndeporogüɨroasayepe! ¡Ayerovia yae ko mborookuai remee vae re!

SALMOS 119:97

¡CheYa, aaɨu yae ndeporookuai reta! ¡Chekaaruiño ayemongeta jese!

ÉXODO 24:12

Jayave yandeYa jei Moisés pe: —Eyeupi eyu chekotɨ ɨvɨtɨ re, cheräro joko pe, ameeta ndeve ita ipe vae; mborookuai reta aikuatía amboe reta vaerä.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 32:19

Jare Moisés ou ma oväe teyupa pe yave, oecha toro taɨrusu vae iä, jare güɨropo ñogüɨnoi vae, jare Moisés ou iyarasɨ jare oitɨ ɨvɨ re mókoi ita ipe vae güerugüe, opa oyoka ɨvɨtɨ igüɨ pe;

ÉXODO 34:1

YandeYa jei Moisés pe: —Emoïchɨi ndeyeupe mókoi ita ipe vae, tenondegua reta rami, jare che aikuatía vaerä jese jókuae opa reyoka vae reta re oyekuatía ñee reta oï vae.

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.

Romanos 10:4

Echa Cristo re opa ma oyembopo Moisés iporookuai, opaete oporogüɨrovia vae reta oyembojupiuka vaerä.

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 7:10

Jare jökorai, aikuaa mborookuai tekove peguarä vae, cheveguarä mano;

Romanos 7:22

Echa cheɨvɨte pe avɨakatu Tumpa iporookuai re;

Romanos 7:5

Echa yaikove yaiko ramboeve, yayapose yandepɨa jemimbota reta ikavimbae vaeño, mborookuai jei agüɨye vaerä yayapo ramo, jare yandereraja mano kotɨ.

1 Corintios 13:10

Ërei oväe ma yave ikavi yae vae, jókuae mbovɨño vae opata.

2 Corintios 3:3

Echa opaete vae ipuere oikuaa kërai pe reta ko jae metei tupapire Cristo güi ore rogüeru vae rami. Pe reta ko metei tupapire Tumpa oikove vae iEspíritu pe oyekuatía vae rami, mbaetɨ ko metei tupapire tinta pe oyekuatía vae rami. Mbaetɨ ko ita ipe vae re rami, oikuatía ko pepɨa re etei.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 3:8

Vɨtei pa Espíritu pegua morogüɨrökuavee päve ipɨau vae ou yave iyemboetea.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:21

Jayave, ¿oyovaicho ra mborookuai Tumpa iñererökuavee kotɨ? ¡Mbaetɨ ko! Echa mborookuai omee yave mona tekove, añetete ko mborookuai oporombojupita tëi.

DEUTERONOMIO 4:13

Jare jae oikuaauka peve iporogüɨrökuavee päve jae ko payandepo mborookuai reta vae jare peokuai peyapo vaerä; jare oikuatía mókoi ita ipe vae re.

DEUTERONOMIO 4:8

Jare ¿kia nunga tëtaguasu pa güɨnoi mborookuai jare morojäa jupi vae, opaete kuae mborookuai añave añono peve rami vae?

DEUTERONOMIO 5:22

Kuae ñee reta yandeYa jei iñeeäta reve tata mbɨte güi amapɨtu pɨtumimbía güi, Israel iñemuña reta pe ɨvɨtɨ igüɨ pe, jare mbaetɨ ye mbae jei. Oikuatía mókoi ita ipe vae re, omee cheve.

DEUTERONOMIO 9:15

Agüeyɨ ɨvɨtɨ jókuae jendɨ vae güi yave, aru chepo pe mókoi ita ipe vae morogüɨrökuavee päve pegua.

Hebreos 12:18

Ërei pe reta mbaetɨ ko peya ɨvɨtɨ guasu Sinaí re, jókuae jendɨ vae re, pɨtumimbi jare ɨvɨtuai re,

Hebreos 3:3

Jare Jesús oyembotuichauka yae Moisés güi. O iyapoa imboetea yae jae o oyapo vae güi rami.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.