2 Corintios 3:3 - Biblia Guarani Tumpa Iñee

³ Echa opaete vae ipuere oikuaa kërai pe reta ko jae metei tupapire Cristo güi ore rogüeru vae rami. Pe reta ko metei tupapire Tumpa oikove vae iEspíritu pe oyekuatía vae rami, mbaetɨ ko metei tupapire tinta pe oyekuatía vae rami. Mbaetɨ ko ita ipe vae re rami, oikuatía ko pepɨa re etei.

Nuevo Testamento Guaraní Pe

³ Echa opaete vae ipuere oicuaa quirai pe reta co jae metei tupapire Cristo güi ore rogüeru vae rami. Erei pe reta co metei tupapire Tumpa jecuaeño oico vae iEspíritu pe oyecuatiauca vae rami, mbaeti co metei tupapire tinta pe oyecuatía vae rami. Tumpa oicuatía ñee pepɨa re etei. Mbaeti oicuatía ita reta re.

2 Corintios 3:3 ပူးပေါင်းရင်းမြစ်များ

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

ÉXODO 24:12

Jayave yandeYa jei Moisés pe: —Eyeupi eyu chekotɨ ɨvɨtɨ re, cheräro joko pe, ameeta ndeve ita ipe vae; mborookuai reta aikuatía amboe reta vaerä.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 32:15

Jayave Moisés ogüeyɨ ye ɨvɨtɨ güi, güeru reve ipo pe mókoi ita ipe vae, mborookuai oyekuatía oï jese vae, jova yoyavi reve oyekuatía vae.

ÉXODO 34:1

YandeYa jei Moisés pe: —Emoïchɨi ndeyeupe mókoi ita ipe vae, tenondegua reta rami, jare che aikuatía vaerä jese jókuae opa reyoka vae reta re oyekuatía ñee reta oï vae.

PROVERBIOS 3:3

Agüɨye etei embosɨrɨ ndeyeugüi mboroparareko jare añetete vae; eñapɨti ndeayu re, jare eñovatu ndepɨa pe.

PROVERBIOS 7:3

Ereko nepoäka re, ereko avei ndepɨa pe.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 17:1

Tëtaguasu Judá, ndeyoa oyekuatía oï tapiyu pe oyekuatía rami, jare ita täta yae vae itï pe rami oyekuatía oï ndepɨa re, jare mɨmba oyeyuka oyeapɨ jese vae re guakarätiecha oï vae re.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 3:7

Jókuae mborookuai oporoyuka vae oyekuatía oï ita reta re vae oñemee Moisés pe yave, Moisés jova jembipe yae, jáeramo Israel iñemuña reta ipuereä omae Moisés jova re. Ërei jókuae jembipe vae mbaetɨ ɨma oiko.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

Hebreos 10:16

“Kuae morogüɨrökuavee päve ayapota jae reta ndive, jókuae ara reta taɨkuegua pe, cheporookuai reta añonota jare aikuatiata jae reta ipɨa pe.”

Hebreos 8:10

Jáeramo, kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; aikota jae reta iTumparä jare jae reta yogüɨrekota chembaerä.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

Apocalipsis 2:12

Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei:

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 3:1

Eikuatía Sardis pegua oporogüɨrovia vae reta iaraɨgua pe: Chiu espíritu vae jare chiu yasɨtata reta güɨnoi vae jei: ‘Che aikuaa opaete reyapogüe reta, nerërakua reikove ko, ërei remano ko.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 3:22

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’ ”

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?