2 Corintios 3:18 - Biblia Guarani Tumpa Iñee

¹⁸ Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Nuevo Testamento Guaraní Pe

¹⁸ Jare ñande mbaeti co jova oyasoi vae rami. Jae rambue ñande co jae metei yeechaca rami. Echa iru vae reta ipuere oecha ñandeYa güi oesape vae ñanderova re. Jare ñamae ngatu ñandeYa re rambue, jecuaeño ñandeYa iEspíritu oparavɨquɨ ñandepɨa pe, ñai vaera ñandeYa rami.

2 Corintios 3:18 ပူးပေါင်းရင်းမြစ်များ

SALMOS 84:7

okuakuaa retata imbaepuere jare oecha retata Tumpa, Sión pe.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 12:41

Isaías kuae jei, oecha yave Tumpa iyemboetea. Jáeramo imiari jökorai jese.

San Juan 17:22

Nde mbaemboete remee cheve vae, amee vi chupe reta, jae reta yogüɨreko vaerä metei ramiño, yande rami.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.

Romanos 8:4

kuae oyapo, mborookuai jei vae yayapo vaerä. Echa mbaetɨ ma yaiko yandesoo jemimbota reño, yaiko ma ko Espíritu Santo jei vae re.

Romanos 8:7

Echa soo jemimbota reta reño oyemoambeko vae reta oyovaicho ko Tumpa kotɨ. Echa ñäteɨ jare ipuereä oyapo reta Tumpa iporookuai;

1 Corintios 13:12

Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita Tumpa chekuaa rami.

1 Corintios 15:49

Yaguakatu ma kuimbae ɨvɨ pegua. Jaeramiño vi yaguakatuta kuimbae ara pegua.

2 Corintios 3:17

Jare yandeYa jae ko Espíritu. Jókuae yandeYa iEspíritu oïa pe, oime yeyora.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Gálatas 6:15

Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

1 Timoteo 1:11

Kuae mboromboe ñee ikavi vae Tumpa iyemboetea yae vae regua, cheve oñemee vae ko.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Santiago 1:23

Kia nunga vae, ñee oendu jare mbaetɨ oyapo oendu vae yave, jae ko epeo pe omae iyé vae rami.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.