2 Corintios 3:16 - Biblia Guarani Tumpa Iñee

¹⁶ Ërei oyerova reta yandeYa kotɨ yave, jókuae äka-soia oyeekɨ chugüi reta.

Nuevo Testamento Guaraní Pe

¹⁶ Erei ñandeYa cotɨ oyerova yave, oyeequita jocuae iñemongueta iyasoia.

2 Corintios 3:16 ပူးပေါင်းရင်းမြစ်များ

ÉXODO 34:34

Moisés ojo yave yandeYa ndive imiari vaerä, oekɨ iyeugüi jova iyasoía, oë ye regua. Oë ye yave omombeu Israel iñemuña reta pe yandeYa oyókuai vae.

ISAÍAS 25:7

Kuae ɨvɨtɨ re yandeYa opata omboai ñeapevaka rami vae, tëta guasu reta oñeapeva ñogüɨnoi pɨpe vae, tëtaguasu reta oyeasoi ñogüɨnoi pɨpe vae;

ISAÍAS 29:18

Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

LAMENTACIONES 3:40

Yayemongeta kavi yandereko reta re, yaeka yayerova ye yandeYa kotɨ.

Romanos 11:23

Ërei judío reta, oporogüɨrovia yave, oï yeta jókuae jendagüe re, echa Tumpa imbaepuere yae ko, omboyoapɨ ye vaerä jendagüe re.

2 Corintios 3:15

Ërei añave rupi Moisés oikuatiagüe omongeta reta yave, jekuaeño oime äka-soia oyasoi rami ipɨa reta.

DEUTERONOMIO 30:10

peendu yandeYa Tumpa iñee yave, peyapo vaerä iporookuai reta opaete kuae tembikuatía pe oï vae; peyerova ye yandeYa Tumpa kotɨ, opaete pepɨa ndive jare opaete perekove ndive yave.

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;