2 Corintios 2:14 - Biblia Guarani Tumpa Iñee

¹⁴ Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

Nuevo Testamento Guaraní Pe

¹⁴ Yasoropai romee Tumpa pe. Echa jae jecuaeño oremborɨ roporomoamɨri vaera Cristo rupi, jare omee oreve roicuauca vaera opaete que rupi, mbae ipiche cavi vae oñeetu opaete que rupi rami.

2 Corintios 2:14 ပူးပေါင်းရင်းမြစ်များ

SALMOS 106:47

¡Orereepɨ OreYa Tumpa! ¡Orereru ye tëtaguasu reta güi, orepuere vaerä romboete nderee ikɨambae vae, romboete vaerä royerovia katu reve!

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

CANTARES 1:3

ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Romanos 1:8

Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi.

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Romanos 6:17

Ërei yasoropai Tumpa pe, echa yepe tëi peikose mbaeyoa jei vae rupi, ërei peyapo ma Tumpa jei vae, jókuae yemboe pemboresive vae rupi;

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

1 Corintios 15:37

Jare jókuae ñañotɨ vae, iagüeä ko, jäɨgüe ko ñañotɨ; trigo jäɨ ani ïru temitɨ jäɨ;

1 Corintios 15:57

Ërei ñamee yasoropai Tumpa pe. Echa jae omoamɨri mano yandeve yandeYa Jesucristo rupi.

2 Corintios 1:11

pe reta oremborɨ peyerure oreré vae rupi. Jökorai jeta vae reta iyerure rupi oñemee oreve Tumpa ipɨakavi. Jare jeta vae omee yasoropai Tumpa pe.

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

2 Corintios 9:15

¡Yasoropai Tumpa pe mbota tuichagüe yae yaupitɨ rapembae kërai ñanemiari jese vae omee yandeve vae re!

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

1 Tesalonicenses 1:8

Echa pegüi reta jërakua yandeYa iñee, mbaetɨ Macedonia jare Acaya peño, jërakua vi opaete kerupi peporogüɨrovia Tumpa re vae. Jáeramo ore mbaetɨ ma oata romoërakua vaerä.

1 Tesalonicenses 3:9

Jáeramo romee yasoropai tuicha Tumpa pe peré. Echa royerovia yae peré yandeRu Tumpa jovake.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.

2 Timoteo 2:2

Mbaembae re aporomboe jeta vae jovake vae re, eyókuai kuimbae jupi vae reta, oikatu vaerä omboe yoapɨ ye ïru vae reta.

Apocalipsis 7:12

jei reta reve: “¡Amén! Mbaemboete jare yemboetea, arakuaa jare yasoropai, yemboete, mbaepuere jare mɨ̈rata, toiko ñaneTumpa pe jekuaekuae avei rupi. ¡Amén!”