2 Corintios 2:12 - Biblia Guarani Tumpa Iñee

¹² Jare che aja aväe yave Troas pe amoërakua vaerä ñee ikavi vae Cristo regua, yepe tëi oyepea cheve tape aparavɨkɨ vaerä chupe,

Nuevo Testamento Guaraní Pe

¹² Jare che aja avae yave Troas pe amombeu vaera ñee icavi vae Cristo regua, yepe tei ñandeYa omee cheve aparavɨquɨ cavi vaera chupe,

2 Corintios 2:12 ပူးပေါင်းရင်းမြစ်များ

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 16:11

Jayave Troas güi rojo barco pe ɨvɨ Samotracia pe. Jare pɨareve pe rojo roväe tëta guasu Neápolis pe.

Hechos 16:8

Jayave oasa reta köiño Misia güi, yogüɨraja oväe tëta guasu Troas pe.

Hechos 20:8

Jare jeta mechero oï jókuae o ɨvategua pe yatɨ ñogüɨnoia pe;

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

1 Corintios 16:9

Echa öke oyepea cheve ayapo vaerä yandeYa iparavɨkɨ, yepe tëi oime jeta oyovaicho cheré vae.

1 Corintios 9:12

Ïru vae reta viña pa jupi oyemborɨuka vaerä peve, vɨtei pa ore. Ërei mbaetɨ roiporu jókuae jupi ko pe reta oremborɨ vaerä tëi vae. Opaete rogüɨropɨa, agüɨye vaerä romboavai ñee ikavi vae Cristo regua.

1 Corintios 9:14

Jökorai ko yandeYa oyókuai ïru vae reta omborɨ vaerä ñee ikavi vae omoërakua vae reta.

1 Corintios 9:16

Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

2 Corintios 10:14

Oasa ete ko roeta peve, mbaetɨ reve rojo pépɨri, ërei ore räri ko rogüɨraja peve ñee ikavi vae Cristo regua.

2 Corintios 11:4

Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

2 Corintios 11:7

¿Cheyoa ra pekotɨ amoërakua peve yave ñee ikavi vae jepɨmbae añemomichi reve, pe peyembotuicha vaerä?

2 Corintios 4:3

Amogüe vae reta pe yavai yae ñee ikavi vae romombeu vae, ërei okañɨtei ñogüɨnoi vae reta pe ko jökorai.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 8:18

Jare romondo jupíe orerɨvɨ, opaete rupi oporogüɨrovia vae reta imiari kavi jese vae. Echa jae omoërakua kavi ñee ikavi vae.

2 Corintios 9:13

Echa jókuae omboresive vae rupi omboete retata Tumpa, oecha retata kërai peyapo ko ñee ikavi vae Cristo regua vae. Omboete retata Tumpa pekɨ̈reɨ ngatu reve pemee chupe jare opaete peguarä vae re.

Colosenses 4:3

Jare peyerure vi oreré, yandeYa oipea vaerä oreve öke romoërakua vaerä Cristo regua yaikuaambae vae, echa jókuae re ko che aï kuae tembipɨɨrɨru pe.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;