2 Corintios 13:4 - Biblia Guarani Tumpa Iñee

⁴ Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

Nuevo Testamento Guaraní Pe

⁴ Echa yepe tei Cristo mbaeti mbaepuere güɨnoi vae rami co oyecutu curusu re yave, erei oicove ye Tumpa imbaepuere rupi. Jae ramiño vi ore etei mbaeti mbaepuere rogüɨnoi, erei peicuaata quirai rogüɨnoi tecove ipɨau vae Cristo güi Tumpa imbaepuere rupi. Jae rambue rogüɨnoita co mbaepuere pepɨte pe.

2 Corintios 13:4 ပူးပေါင်းရင်းမြစ်များ

San Juan 10:18

Mbaetɨ kia ipuere oekɨ chegüi cherekove. Ameeta che aipota ramo. Anoi mbaepuere amee vaerä, jare anoi mbaepuere aikove ye vaerä. Kuae mborookuai cheRu omee cheve.”

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 3:16

Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

Romanos 1:4

Ërei jae oyekuaa Tumpa Taɨ imbaepuere yae vae Espíritu Santo rupi. Jókuae oyekuaa, oikove ye yave omanogüe reta ipɨte güi.

Romanos 14:9

Echa kuaerä Cristo omano jare oikove ye, oiko vaerä omanogüe reta ani oikove vae reta iYarä.

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

1 Corintios 1:25

Echa mbaetɨecha arakuaa Tumpa regua vae, oyapɨraa yé ko kuimbae reta iyarakuaa. Jaeramiño vi ipɨtu yaeecha Tumpa regua vae, oyapɨraa yé kuimbae reta imbaepuere.

1 Corintios 15:43

Oñeotɨ vae oikomegua, ërei oikove ye yave, ipöra yaeta ko. Oñeotɨ vae, mbaetɨ etei güɨnoi mbaepuere, ërei oikove ye yave, imbaepuere yaeta ko.

1 Corintios 2:3

Jare pepɨte pe aï yave, ayembopɨtu jare arɨrɨi akɨɨye güi;

1 Corintios 6:14

Tumpa omoingove ye yandeYa vae, yandemoingove yeta vi ko imbaepuere pe.

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

2 Corintios 12:10

Jáeramo, ayerovia chepɨ̈ratambae re, yekura rupi, mbae oata vae rupi, tembiporara rupi, mbɨatɨtɨ rupi; echa ayandu mbaetɨ chepɨ̈rata yave ko, chemomɨ̈rata yae.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.