2 Corintios 13:11 - Biblia Guarani Tumpa Iñee

¹¹ Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

Nuevo Testamento Guaraní Pe

¹¹ Jaeño ma, cherɨvɨ reta. Peyerovia. Peñemomɨrata peporogüɨrovia re. Peñombopɨacatu. Peico cavi pepɨacatu reve metei ramiño. Jare Tumpa etei oita pe ndive. Tumpa ñanderaɨu jare ñanembopɨacatu.

2 Corintios 13:11 ပူးပေါင်းရင်းမြစ်များ

GÉNESIS 37:4

Jare tɨkeɨ reta oecha, tu jaeño oaɨu yae opaete ïru tɨkeɨ reta güi vae, jáeramo omotareɨ reta, mbaetɨ ipuere reta omomiari kavi.

GÉNESIS 45:24

Omboyupavo jare omondo tɨkeɨ reta, jare jei chupe reta: —Agüɨye pekua peñoraro tape rupi. Jare jae reta yogüɨraja.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

San Marcos 10:49

Jayave Jesús oyemboɨ, jare oenɨiuka; jayave oenɨi reta jesambae, jei reta chupe: —Eñemoäta ngatu. Epüa. Nereenɨi ma oï.

San Marcos 9:50

Yukɨ ikavi ko yau vaerä. Ërei jembochɨä ma yave, ¿këraita pa jembochɨ ye? Peiko yukɨ rami, peiko kavi oyoupi.”

San Lucas 9:61

Jayave ïru kuimbae jei Jesús pe: —Taja nderupíe, cheYa. Ërei emaeño räri cheré aja vaerä chero pegua reta pe amombeu.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Hechos 18:21

Ërei jae oyupavoño chupe reta jei reve: “Ajata ñotai ko Jerusalén pe, ayapo vaerä arete oyearo ma oï vae. Ërei Tumpa oipota yave, ayu yeta pepɨ.” Jayave ojo barco pe Efeso güi.

Hechos 23:30

Ërei jërakua cheve judío reta okätɨrota jese. Jáeramo jupiveiño amondo ndekotɨ. Jare ayókuai omboeko vae reta toñeapo jese ndeve. Jaeño ma.”

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Romanos 12:18

Pepuere rupi peiko kavi mbɨakatu rupi opaete vae ndive.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 15:33

Tumpa güɨnoi mbɨakatu vae toï opaete pe reta ndive. Amén.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

2 Corintios 1:4

echa jae yandembopɨakatu opaete yaiporara vae rupi, yandepuere vaerä vi yambopɨakatu ïru oiporara ñogüɨnoi vae reta, Tumpa yandembopɨakatu rami.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

Efesios 4:12

Jökorai oyapo, oñeñono tee vae reta ipɨ̈rata vaerä, jae reta ipuere vaerä oparavɨkɨ Tumpa pe, okuakuaa vaerä Cristo jete,

Efesios 4:3

pekɨ̈reɨ ngatu reve peiko metei rami Espíritu Santo oyapogüe rupi, mbɨakatu rupi;

Efesios 6:23

Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 3:16

Ërei yaiko avei yaikuaa ma vae re. Yayemongeta metei ramiño.

Filipenses 4:2

Amoñera Evodia jare Síntique yogüɨreko kavi vaerä oyoupi yandeYa re.

Filipenses 4:4

Peyerovia katu avei yandeYa re. ¡Peyerovia katu avei!

Filipenses 4:9

Peyemboe vae, pemboresive vae, peendu jare peecha cheré vae peyapo. Jare Tumpa oporombopɨakatu vae oïta pe ndive.

1 Tesalonicenses 3:10

Jare täta royerure ara rupi jare pɨ̈tu rupi, orepuere vaerä rojo poecha jare romombeu peve oataño peporogüɨrovia pe vae.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

1 Tesalonicenses 4:18

Jáeramo, peñomoäta ngatu päve kuae ñee reta pe.

1 Tesalonicenses 5:13

Peaɨu iparavɨkɨ jeko pegua, peiko päve mbɨakatu rupi.

1 Tesalonicenses 5:16

Peyerovia katu avei.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

2 Tesalonicenses 3:1

Jare añave cherɨvɨ reta, peyerure oreré, yandeYa iñee oñemoai vaerä jare oyemboete vaerä, pepɨte rupi oasa rami.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Santiago 1:4

Ërei pemaeño jókuae pepɨaguasu tokuakuaa kavi, peiko vaerä jupi rupi, oatambae reve peve mbae ave.

1 Pedro 3:11

Tosɨrɨ ikavimbae güi, jare toyapo ikavi vae, tipɨakatu avei opaete vae ndive.

1 Pedro 3:8

Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

Apocalipsis 22:21

YandeYa Jesucristo ipɨakavi toï opaete pe reta ndive. ¡Amén!