2 Corintios 13:1 - Biblia Guarani Tumpa Iñee

¹ Kuae jae mboapɨa ma ajata pépɨri vae. Oime yave kia teko oyapo vae, timiari mókoi ani mboapɨ oikuaa kavi jeko regua vae, yaikuaa vaerä añete ra vae.

Nuevo Testamento Guaraní Pe

¹ Mócoi vese ma apou pepɨri. Añave aja yeta pepɨri. Oime yave quia teco oyapo vae, timiari mócoi ani mboapɨ oicuaa cavi jeco regua vae, yaicuaa vaera añete co.

2 Corintios 13:1 ပူးပေါင်းရင်းမြစ်များ

1 REYES 1:14

Jare nemiari vɨteri mburuvicha guasu pe reï ramboeve, che aiketa amoañete vaerä jókuae nemiari vae.

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

NÚMEROS 35:30

Oipotagüe oporoyuka vae, toñejäa omano vaerä, mbovɨ katu imiari jese vae yave, ërei metei vaeño imiari rupi agüɨye toyemboeko omano vaerä.

San Mateo 18:16

Ërei mbaetɨ oipota oyeapɨsaka nderé yave, eraja nderupíe metei ani mókoi neïrurä, oikuaa vaerä mókoi ani mboapɨ vae jóvai mbae pere vae.

2 Corintios 12:14

Mase, añave ayeapo katu aï aja ye vaerä pépɨri mboapɨa ma. Mbaetɨta pomoambeko mbaembae re, echa mbaetɨ ko aeka pembaembae, pe etei ko poeka. Echa tu reta ko oñovatu taɨ reta peguarä, mbaetɨ ko taɨ reta oñovatu tu peguarä.

DEUTERONOMIO 17:6

Mókoi ani mboapɨ vae oecha kavi vae jeigüe reño ipuere omano jeko vae, ërei metei vae jeigüe reño agüɨye tomano.

DEUTERONOMIO 19:15

Kia nunga vae agüɨye toyemboeko mbae re, metei vae imiari reño, mbaeyoa re ani mbae nunga oyavɨ vae re. Mókoi vae ani mboapɨ vae iñee reño toyeapo jókuae ñeapo.