2 Corintios 12:7 - Biblia Guarani Tumpa Iñee

⁷ Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

Nuevo Testamento Guaraní Pe

⁷ Jeta vese ñandeYa oicuauca cheve mbaembae. Jare agüɨye vaera añemboete yae cuae re, ou cheve metei mbaerasɨ chemambeco vaera. Chemambeco metei yuu ñandesoo pe oi vae ñanemambeco rami. Jocuae mbaerasɨ Satanás ombou cheve oiporarauca cheve vaera.

2 Corintios 12:7 ပူးပေါင်းရင်းမြစ်များ

GÉNESIS 32:25

Ërei kuae kuimbae oikuaa mbaetɨta ma ipuere jese yave, okua iuɨpɨ re, jare Jacob iuɨpɨ opuru oñoïraro ramboeve jae ndive.

GÉNESIS 32:31

Jare Peniel güi oasa ma yave oë chupe kuaraɨ; jare jumbɨrasɨ güi iköcho ojo oiko.

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

JOB 2:6

Jare yandeYa jei Satanás pe: —Mase, ko jae oï ndepo pe, ërei chupe etei agüɨye mbae eyapo.

JOB 2:7

Jayave Satanás oë yandeYa jóvai güi, jare omombaerasɨ Job, kuru yavaete yae vae pe; ipɨ güive ojoi iyapɨte pe oväe.

EZEQUIEL 28:24

Jare ngaraa ye ma peiporarauka Israel iñemuña reta pe, yuu jäti pinda vae rami; jare Israel iyɨvɨrigua tëta reta ngaraa ma omotareɨ. Jayave opaete vae oikuaata che ko jae Tumpa vae.’ ”

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

OSEAS 2:6

Jáeramo ayopiata jape ñurati pe jare aroyereta kesemba jese, agüɨye vaerä oväe japerä.

NÚMEROS 33:55

Ërei mbaetɨ yave penoe pemombo peyeugüi jókuae ɨvɨ pegua reta, jókuae opɨtagüe reta yogüɨrekota peve yepea jaɨgüe peresa pe oï rami, ani ñurati rami peɨke re, jare oiporaraukata peve kuae ɨvɨ peikota pɨpe vae pe;

San Mateo 26:67

Jayave amogüe vae ondɨvɨ Jesús jova re, jare okua jese. Jare ïru vae reta oovapete,

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Lucas 13:16

Mase, kuae kuña Abraham iñemuña pegua ko. Ërei Satanás dieciocho año ma omombaerasɨ. ¿Mbaetɨta pa jaekavi oyembogüera vaerä kuae mbaerasɨ güi ara mbutuu pe?

1 Corintios 4:11

Añave regua roiporara yɨmbɨaɨ, ɨuve, nandi, ñenupa jare orero ave mbaetɨ.

1 Corintios 5:5

jókuae kuimbae toñemee Satanás ipo pe okañɨtei vaerä jete, jare jekove oyemboasaukata yandeYa ou ye yave.

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

2 Corintios 10:5

Jökorai romboai yemongeta reta jare opaete pɨayembotuicha omboavai yaikuaa vaerä Tumpa vae. Jökorai opaete pɨayemongeta rogüɨrajata Cristo jei vae oyapo vaerä.

2 Corintios 11:20

Echa peropɨa guasu peokuaiasɨ katu vae reta, omaepɨ̈ro pegüi vae reta, pembotavɨ vae reta, pereröɨro vae reta jare perovapete vae reta.

2 Corintios 12:1

Mbaetɨta jaekavi ayembotuicha vaerä che aeño, ërei tamombeu peve kërai yandeYa oechauka jare oikuaauka cheve vae.

Gálatas 4:13

Echa pe reta peikuaa ko kërai chembaerasɨ jeko pegua tenonde yave amombeu peve ñee ikavi vae.

DEUTERONOMIO 17:20

Jökorai agüɨye vaerä ipɨa ombotuicha yae jëtaɨgua reta pe, jare agüɨye vaerä opia mborookuai jei vae güi, jökorai oiko puku vaerä jae jare taɨ reta iporookuaía pe, Israel iñemuña reta ipɨte pe.

DEUTERONOMIO 8:14

javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;

1 Timoteo 3:6

Jare agüɨye toyeparavo oporogüɨrovia ramo vae, echa güɨramoi oyembotuichata, jare oa aña guasu oa vae pe.

JUECES 2:3

Jáeramo añave jae peve: Ngaraa opa anoe amombo pepɨte güi kuae tëta, jae reta jare itumpa reta yogüɨrekota peve chikote rami jare ñuai rami.”