2 Corintios 12:21 - Biblia Guarani Tumpa Iñee

²¹ Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

Nuevo Testamento Guaraní Pe

²¹ Jae ramiño vi añemongueta güɨramoi Tumpa omaeñota cheré chemara vaera peré, aja ye yave pepɨri. Echa güɨramoi chepɨatɨtɨ yaeta jeta pepɨte pe ñogüɨnoi vae mbaeyoa oyapo vae re, mbaeti yave oyerova teco pochɨi vae güi, jare aguasa oyapo vae güi, jare mboquere oyapo vae güi.

2 Corintios 12:21 ပူးပေါင်းရင်းမြစ်များ

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

ÉXODO 32:31

Jayave Moisés ojo ye yandeYa oïa pe, jare jei chupe: —Kuae reta oyapo mbaeyoa ikavimbae yae ete vae, echa oyapo reta iyeupe tumpa-raanga oro pegua.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

Romanos 9:2

kërai chepɨatɨtɨ yae, jare chepɨa etei jasɨ avei.

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.

2 Corintios 10:6

Jare roïndaivi roiporarauka vaerä iñeereendumbae pe, ñee oendu katu regua.

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

2 Corintios 13:2

Jae ma peve aja pépɨri yave, ërei amombeu ye aï peve mbaetɨ tëi aï pépɨri reve. Aikuatía opaete mbaeyoa oyapo vae reta pe jare opaete ïru reta pe: Che aja ye yave pépɨri, ngaraa etei aiparareko.

2 Corintios 8:24

Jáeramo oporogüɨrovia vae reta oikuaa vaerä, peechauka jókuae mboupa reta pe añetete ko peaɨu vae, jökorai oikuaa reta vaerä añete ko roe chupe reta peregua vae.

Gálatas 5:19

Soo jemimbota reta oyekuaa körai: Menda re oyuvanga vae, aguasa, teko pɨ̈chɨi, ikuña pota yae ani imbɨapota yae,

DEUTERONOMIO 9:15

Agüeyɨ ɨvɨtɨ jókuae jendɨ vae güi yave, aru chepo pe mókoi ita ipe vae morogüɨrökuavee päve pegua.

DEUTERONOMIO 9:25

Ayetavatɨka yandeYa jóvai cuarenta ara jare cuarenta pɨ̈tu, echa yandeYa jei ko opa vaerä pemokañɨtei,

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!

1 SAMUEL 15:35

Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.