2 Corintios 12:20 - Biblia Guarani Tumpa Iñee

²⁰ Aipoɨu aja ye yave pépɨri, güɨramoi aechata mbaetɨ peiko che aipota rami, jare güɨramoi pe reta chereechata mbaetɨ peipota rami. Aipoɨu peyoaka oyoupii, peakatúä oyoe, peyomboarasɨ, peyemboyao oyougüi, peñeeasɨ katu oyoupe, peñeenguru oyoupe, pɨapochɨ, tekorai.

Nuevo Testamento Guaraní Pe

²⁰ Erei aja ye yave pepɨri, añemongueta güɨramoi aechata mbaeti peico che aipota peico vaera rami, jare güɨramoi jocuae jeco pegua che ayapota pe reta ngaraa peipota ayapo vaera vae. Echa añemongueta güɨramoi peyoacata oyoupi, peñemoagüɨrota oyoe, pepochɨta oyoupe, peñemboyaota oyougüi, peñoangaota, peñemboeteta, jare peñeenguetata oyoupe.

2 Corintios 12:20 ပူးပေါင်းရင်းမြစ်များ

SALMOS 41:7

Oyomboatɨ iñeenguru chekotɨ opaete chemotareɨ vae reta; oyemongeta reta ikavimbae, jei reve chekotɨ:

PROVERBIOS 16:28

Kuimbae ipɨapochɨ vae, oporomoñoraro katu; indaye pota vae, omboyovaichouka oyoupii ovɨa oyoe reta vae ave.

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 1:30

mboroangao pe, yepopeyuse pe, omotareɨ reta Tumpa, mboroyóyai yóyai pe, pɨapochɨ pe, pɨayemboete pe, ipoki yae oyapo reta vaerä ikavimbae vae pe, tu jare ichɨ jeigüe oyapombae vae pe.

Romanos 2:8

ërei oiporaraukata iyarasɨ yae reve ipɨapochɨ vae reta pe, mbaetɨ oipota reta oyapo añete vae. Ikavimbae vaeño oyapo reta vae pe;

1 Corintios 1:11

Echa Cloé jo pegua reta omombeu cheve peregua, cherɨvɨ reta, kërai peñoraro peiko oyoupii.

1 Corintios 14:33

echa Tumpa mbɨakatu pegua ko, mbaetɨ ko yembojopa pegua. Opaete oporogüɨrovia vae reta oyemboatɨa ñavo pe,

1 Corintios 5:2

¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa.

2 Corintios 1:23

Jare ndeiño aja pépɨri, agüɨye vaerä añeengata peve, Tumpa oikuaa kuae amombeu peve vae añete ko.

2 Corintios 10:2

Ërei che pomoñera, agüɨye vaerä cheñeengeta aipoɨumbae reve aja yave pépɨri. Echa añeñono cheñeengeta vaerä amogüe pepɨte pe ñogüɨnoi vae pe, jókuae oyemongeta ore roiko oreremimbota ae rupiño vae reta pe.

2 Corintios 10:6

Jare roïndaivi roiporarauka vaerä iñeereendumbae pe, ñee oendu katu regua.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

2 Corintios 13:2

Jae ma peve aja pépɨri yave, ërei amombeu ye aï peve mbaetɨ tëi aï pépɨri reve. Aikuatía opaete mbaeyoa oyapo vae reta pe jare opaete ïru reta pe: Che aja ye yave pépɨri, ngaraa etei aiparareko.

2 Corintios 2:1

Jáeramo che añeñono agüɨye vaerä aja pombopɨatɨtɨ.

Gálatas 5:15

Ërei peñeraro reteiño oyoupii yave, opata ko peñomokañɨtei.

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.