2 Corintios 12:19 - Biblia Guarani Tumpa Iñee

¹⁹ Güɨramoi peyemongeta kuae oremiari vae royeepɨ vaeräño ko. Ërei jökoraiä ko. Oremiari körai Tumpa jovake Cristo re rogüɨrovia ramo. Cherɨvɨ reta, royapo ko opaete kuae pepɨ̈rata vaerä peporogüɨrovia pe.

Nuevo Testamento Guaraní Pe

¹⁹ Güɨramoi peñemongueta quirai añave oremiari corai royeepɨ vaeraño. Erei mbaeti jocorai. Oremiari corai Tumpa jovaque Cristo re rogüɨrovia rambue. Jare opaete royapo pe reta pepɨrata vaera peporogüɨrovia re. Echa ore poaɨu yae.

2 Corintios 12:19 ပူးပေါင်းရင်းမြစ်များ

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 15:2

Metei ñavo yamboyerovia yanderapicha ikavi vae rupi, ipɨ̈rata vaerä iporogüɨrovia pe.

Romanos 9:1

Che Cristo re jae añete vae. Mbaetɨ ko cheapu, echa chepɨa pe aikuaa Espíritu Santo rupi,

1 Corintios 10:14

Jáeramo, cherɨvɨ reta, petekuarai tumpa-raanga reta imboete güi.

1 Corintios 10:33

Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

2 Corintios 10:8

YandeYa omee oreve mbaepuere pombokuakuaa vaerä, mbaetɨ ko pomokañɨtei vaerä. Kuae mbaepuere rogüɨnoi vae jekuaeñotai ko amboete. Ngaraa chemara jese.

2 Corintios 11:10

Echa Cristo regua aikuaa añete vae jekuae chemiarita opaete Acaya rupi. Mbaetɨta kia ipuere chemokïrii.

2 Corintios 11:31

Tumpa, yandeYa Jesucristo Tu, imboetea avei vae oikuaa mbae jae vae añete ko.

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

2 Corintios 13:10

Jáeramo aikuatía peve körai pépɨri aïä reve, agüɨye vaerä täta amboeta aja pépɨri yave, mbaepuere yandeYa omee cheve pombokuakuaa vaerä vae rupi, mbaetɨ ko omee cheve pomboai vaerä.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 3:1

¿Jekuae pa romboɨpɨ yeta roñemoërakua ore aeño?, ani ¿jekuae pa rogüɨraja pɨau yeta peve tupapire oreregua ani pe pemee vaerä oreve, amogüe vae reta oyapo vae rami?

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Filipenses 4:1

Jáeramo, cherɨvɨ poaɨu vae reta, aipota yae poecha vae reta, ayerovia peré vae reta, cheparavɨkɨ jekovia reta, peñemomɨ̈rata avei yandeYa re.

1 Tesalonicenses 5:11

Jáeramo, peñomoäta ngatu päve jare peñemomɨ̈rata, peyapo peï rami.

Hebreos 6:9

Ërei, cherɨvɨ aaɨu vae reta, yepe tëi chemiari ma peve körai, ërei aikuaa pe reta mbaetɨ ko pepia yemboasa güi.