2 Corintios 12:18 - Biblia Guarani Tumpa Iñee

¹⁸ Amoñera Tito jare ïru yanderɨvɨ ojo vaerä pépɨri. ¿Tito pembotavɨ pa? ¿Jae oyapoä yera ikɨ̈reɨ ngatu reve che rami?

Nuevo Testamento Guaraní Pe

¹⁸ Amoñera Tito ojo vaera pepɨri, jare amondo jae jupíe iru ñanderɨvɨ. Tito mbaeti etei co pembotavɨ. Jae oyapo Espíritu Santo imbaepuere pe che ayapo vae rami.

2 Corintios 12:18 ပူးပေါင်းရင်းမြစ်များ

NEHEMÍAS 5:14

jare mburuvicha guasu cheparavo ɨvɨ Judá pegua mburuvicharä yave güive, doce año rupi, che jare chemborɨa reta mbaetɨ roeka mbaembae opaete vae reta pe, omee vaerä oreve, jae reta omeeñoi mburuvicha peguarä vae; mburuvicha guasu Artajerjes veintea año ma oiko mburuvicharä yave güive año treinta y dos pe regua.

NÚMEROS 16:15

Jayave Moisés iyarasɨ yae ete, jare jei yandeYa pe: —¡Agüɨye emae mbota güerugüe reta re! Mbaetɨ ko apɨ̈ro metei mburika ave yepe chugüi reta, jare metei vae pe ave mbaetɨ ayapo ikavimbae.

Romanos 4:12

jaeramiño vi Abraham ko opaete oyembocircuncidauka vae reta tu rami. Jókuae güɨnoi mborogüɨrovia, ñaneñemuñagüe Abraham ndei oyembocircuncidauka mbove güɨnoi mborogüɨrovia vae rami vae reta.

1 Corintios 4:21

¿Mbae pa peipota? ¿Ajata pa pépɨri arasɨ reve ani mboroaɨu reve jare ñemomichi reve?

2 Corintios 7:2

Peikuaauka oreve kërai ko oreraɨu. Ore mbaetɨ etei royapo ikavimbae vae kia pe. Mbaetɨ etei rogüɨrokomegua kia ave. Mbaetɨ vi kia rombotavɨ.

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

2 Corintios 8:6

Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;