2 Corintios 12:11 - Biblia Guarani Tumpa Iñee

¹¹ Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

Nuevo Testamento Guaraní Pe

¹¹ Ayeapo ma metei mbaeti iyaracuaa vae rami añemboete vaera. Pe reta etei peipota jocorai ayapo vaera. Pe reta chemboeteta tei co. Echa jocuae temimondo tenondegua vae reta pe reta pere chupe vae mbaeti etei jeta oyapo Tumpa pe che ayapo vae güi. Chepuere jae cuae, yepe tei che etei mbaeti co mbae.

2 Corintios 12:11 ပူးပေါင်းရင်းမြစ်များ

PROVERBIOS 27:2

Ïru vae reta tandemboete, agüɨye nde aeño eyemboete.

San Lucas 17:10

Jaeramiño vi pe reta peyapo ma opaete Tumpa jei peve peyapo vaerä vae yave, pere: ‘Ayapoä mbae ayemboeteuka vaerä. Echa jaeño ayapo, cheokuai ayapo vaerä vae.’ ”

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

1 Corintios 3:22

Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.

2 Corintios 1:6

Ërei ore roiporara yave, roiporara ko pe reta penoi vaerä mbɨakatu jare yemboasa. Jare Tumpa orembopɨakatu yave, orembopɨakatu ko penoi vaerä mbɨakatu jare yemboasa. Jare jökorai pepuere peropɨa peiporara yave ore rami.

2 Corintios 11:1

Aipota pepɨaguasu vaerä cheve, chemiari ramboeve iyarakuaambae vae rami. ¡Pepɨaguasu cheve!

2 Corintios 11:5

Ërei che jókuae temimondo añetembae tuichagüe reta güi, mbaetɨ ko ayandu chemichi yae.

2 Corintios 12:12

Jeseve opaete mbɨaguasu rupi jare mɨakañɨ reta oyeapo pepɨte rupi vae oikuaauka che ko jae temimondo añetete vae.

2 Corintios 12:6

Ërei ngatu, aipota ayembotuicha yave ngaraa chemiari iyarakuaambae vae imiari rami, echa chemiarita ko añete vae re. Ërei ngaraa chemiari jese, agüɨye vaerä kia oasa ete chembotuicha chereecha vae güi jare chereendu vae güi.

2 Corintios 3:1

¿Jekuae pa romboɨpɨ yeta roñemoërakua ore aeño?, ani ¿jekuae pa rogüɨraja pɨau yeta peve tupapire oreregua ani pe pemee vaerä oreve, amogüe vae reta oyapo vae rami?

2 Corintios 5:13

Echa orembokere ko yave, Tumpa peguarä ko. Mbaetɨ orembokere yave, peveguarä ko.

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,