2 Corintios 11:3 - Biblia Guarani Tumpa Iñee

³ Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

Nuevo Testamento Guaraní Pe

³ Erei añemongueta quirai güɨramoi petavɨta, agüɨye vaera peñemongueta cavi Cristo re. Echa jocorai jocuae mboi ipoqui oporombotavɨ vaera vae ombotavɨ Eva.

2 Corintios 11:3 ပူးပေါင်းရင်းမြစ်များ

GÉNESIS 3:1

Ërei ngatu mboi oasa ipoki oporombotavɨ vaerä opaete ïru mbaemɨmba reta ñana rupigua yandeYa Tumpa oyapogüe güi. Jare kuae mboi jei kuña pe: —¿Tumpa jei pa jayave peve agüɨye vaerä peu opaete ɨvɨra reta kó pegua iagüe?

GÉNESIS 3:13

Jayave yandeYa Tumpa jei kuña pe: —¿Maera pa ko kuae reyapo? Kuña jei Tumpa pe: —Mboi ko chembotavɨ, jare jau.

GÉNESIS 3:20

Jare Adán ombojee jembireko Eva pe, echa jae ko opaete vae reta ichɨrä.

GÉNESIS 3:4

Jayave mboi jei kuña pe: —Ngaraa ko pemano.

SALMOS 119:53

Chemboarasɨ yae jeko kavimbae reta, ndeporookuai oeya vae reta.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 11:20

Echa peropɨa guasu peokuaiasɨ katu vae reta, omaepɨ̈ro pegüi vae reta, pembotavɨ vae reta, pereröɨro vae reta jare perovapete vae reta.

2 Corintios 11:29

Kia imbaerasɨ yave, che vi aiporara. Kia oporombogüɨapiuka vae yave, che vi chearasɨ ikotɨ.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

Gálatas 1:6

Chepɨakañɨ yae kërai ɨmambae yae peyembosɨrɨ Tumpa peparavo Cristo ipɨakavi rupi vae güi, perovia vaerä mboromboe ambuaeyee vae re.

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Gálatas 3:1

Galaciaɨgua reta, iyarakuaambae reta. ¿Kia pa pembotavɨ kavi yae, agüɨye vaerä perovia añete vae? Echa roechauka kavi yae ma peve, kërai Jesucristo oyekutu kurusu re vae.

Gálatas 4:11

Chepɨatɨtɨ yae peré, echa ayemongeta güɨramoi aparavɨkɨiño ma pepɨte pe.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Colosenses 2:4

Kuae che jae peve, agüɨye vaerä kia ave pembotavɨ ñee-yukɨ rupi.

Colosenses 2:8

Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

1 Timoteo 1:3

Repɨta Efeso pe, Macedonia kotɨ aja yave che jae ndeve rami, reyopia vaerä amogüe vae agüɨye vaerä oporomboe ambuae mboromboe re,

1 Timoteo 2:14

Adán mbaetɨ ko oyembotavɨuka, kuña ko oyembotavɨuka. Jare oyembotavɨuka ramo oa mbaeyoa pe.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Tito 1:10

Echa oimeño jeta iñeereendumbae reta, osirivembae re imiari jare oporombotavɨ vae reta; kuae ko jae judío reta.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

2 Pedro 3:17

Jáeramo cherɨvɨ aaɨu vae reta, peikuaa voi ma kuae mbaembae reta ramo peyeandu, agüɨye peyererajauka ikavimbae vae oyapo vae reta pe, jare pea peporogüɨrovia pe täta ma peï vae güi.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 12:15

Jare jókuae mboi omombo jeta ɨ iyuru güi, kuña jaɨkue, güɨrajauka vaerä jókuae ɨ pe;

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.